Takimi në Washington, Pacolli: “Çfarë ke bërë në Meksikë?”; Daçiç: “Nuk guxoj të ta them!”

Shefat e diplomacive të Kosovës dhe Serbisë, Behgjet Pacolli dhe Ivica Daçiç, kanë pasur “takime të afërta” në Washington  ku kokë më kokë kanë arritur të shkëmbejnë edhe disa fjalë.

Duke marr pjesë në Konferencën për liritë fetare që u zhvillua në SHBA, shihet edhe në fotografinë e përbashkët se ata i ndanë vetëm një person. I pyetur nga gazeta “Blic, nëse ka biseduar me homologun e tij kosovar, ai u shpreh:

“Më pyeti se çfarë kam bërë në Meksikë, e unë i thashë se nuk guxoj të ta them. Nuk e di si e ka kuptuar ai këtë përgjigje, unë isha serioz ai le të mendoj,” tha Daçiç për të përditshmen serbe duke kujtuar se edhe në fillim të muajit korrik shefi i diplomacisë serbe tha se do të ketë një udhëtim zyrtar drejtë një shteti, por nuk e tha se ku por shtoi: “Pacolli le të mendoj!”

Ishte Papua New Guinea, për të cilën Daçiç tha se e ka tërhequr njohjen e Kosovës, Pacolli e akuzoi për shpifje ndërkohë loja me njohjet e Kosovës dhe tërheqjet e këtyre njohjeve vazhdon…