Foto e Ditës/ 34 vjet pas rënies së bustit diktatorit, Edi Rama kërcënim për paqen

Në vendin ku 34 vjet më parë u rrëzua busti i diktatorit Enver Hoxha, sot Kryeministri Edi Rama organizon miting sot në 16:30 me punonjësit e Bashkisë Tiranë, kryetari i së cilës, Erion Veliaj, është arrestuar si hajdut ordiner dhe akuzohet nga SPAK për 10 vepra penale.

Edi Rama organizon këtë miting në mbështetje të arrestuarit Erion Veliaj, por nuk është e qartë pse provokon duke organizuar një miting pikërisht në këtë ditë dhe pse pikërisht në vendin ku 34 vjet më parë u rrëzua busti i liderit të tij shpirtëror, diktatorit Enver Hoxha!

Dhe, në fund, nuk është e qartë pse Edi Rama po bënë thirrje ta tërheqin zvarrë atë si dishepullin e Enver Hoxhës, dhe, ata që patën guximin ta tërheqin zvarrë bustin e diktatorit dhe për 33 vjet na rrëfyen për atë akt historik, sot i mbyllin sytë dhe bëjnë të paditurin duke organizuar përkujtime nëpër salla!

Lideri i opozitës, Sali Berisha, reagoi por nuk dihet nëse ka sqaruar ata që tërhoqën zvarrë bustin e diktatorit Enver Hoxha, pasardhësit e tyre dhe jo vetëm që u rritën me këtë frymë dhe sot Edi Rama çdo ditë po i shkel në fyt :

“Sot thërret antimiting. Thërret bashkinë në antimiting në ditën e rrëzimit të shtatores së diktatorit.
U them unë ju, ia ka mbathur me autoblinda nga frika se sulmohet Blloku. Me gjithë familjen e tij kanë përfunduar në tunelet e Zall Herrit atë ditë. I gjithë Blloku. Blloku ishte bosh.
Dhe ky tani mbledh punonjësit, patronazhistët e administratës, që emër për emër do regjistrohen, i garantoj se pjesëmarrja në atë krim. Krim elektoral, krim shtetëror.
Sepse ai po u thërret ju të dashur punonjës, vetëm për të mbrojtur monumentin e tij të korrupsionit dhe drogës.
Nuk po u thërret për asnjë interes tjetër. Dhe mendon se në këtë mënyrë do e kapërcejë. Por tani ai është damkosur.,” tha Kryetari i PD, Sali Berisha në reagimin e tij duke u mjaftuar që për nder të kësaj dite të organizoj në selinë e Partisë Demokratike me Grupimin “Dhjetor 90” dhe të Përndjekurit Politikë konferencën “20 Shkurti ’91, kujtesë për veprim”!

Për fat të keq, sot vetëm Edi Rama është i qartë, ashtu siç ishte Presidenti i 22-të i Shteteve të Bashkuara, Grover Cleveland, kur e përkufizoi ideologjinë e Kryeministrit aktual të Shqipërisë:

“Komunizmi është urrejtje dhe kërcënim për paqen dhe pushtetin e organizuar.”