Amerikoni i Lali Erit, Apeli i GJKKO nuk e lejoi të futet në seancë
Përfaqësuesi i studios ligjore amerikane Kasowitz Benson Torres, avokati Joshua Roberts i cili vizitoi dje Kryetarin e arrestuar të Bashkisë Tiranë, Erion Veliaj, në qeli, mund të jetë pajtuar nga vëllai i kryebashkiakut me 10 mijë euro/orë siç u raportua në media, mund të jetë paguar edhe nga oligarku Samir Mane, por ai sot nuk u lejua të marrë pjesë në seancën e Apelit të GJKKO, ku po shqyrtohet masa e caktuar e sigurisë, arrest me burg!
Dje, pasi takoi Lali Erin në qeli, Joshua Roberts u shpreh se ka ardhur si vëzhgues dhe se do këshillojë avokatët e Erion Veliajt, të cilët në Apel kanë kërkuar lirimin me kusht.
“Jam këtu thjesht në rolin e vëzhguesit. Në Amerikë, sipas Kushtetutës dhe ligjit, akuzat dhe veprat penale ngrihen në bazën e një shkaku të arsyeshëm kur të jetë kryer një krim. Dhe qytetarët që përballen me akuza penale mund të ndalohen para gjyqit vetëm nëse paraqesin rrezik për shoqërinë,” tha avokati amerikan Roberts i cili tha se do të vëzhgoj argumentet e apelimit në lidhje me lirimin me kusht të Erion Veliajt.
Meqë Apeli i GJKKO nuk kishte kurrëfarë lloj dëshmie ligjore nga përfaqësuesi i një studio ligjore që juridiksioni shqiptar nuk e njehë, Përfaqësuesi i studios ligjore amerikane Kasowitz Benson Torres, avokati Joshua Roberts, u la si çdo pjesëtarë i administratës që protestonte më 12 shkurt para gjykatës; Më 12 shkurt sepse me urdhër të Kryetarit në detyrë të Bashkisë Tiranë, Edi Rama, nuk ka më protesta para gjykatës!
