Përmbushjen e premtimeve të PD, Berisha: Burimi më kryesor i të ardhurave janë…

Kryetari i Partisë Demokratike, Sali Berisha, edhe konferencën e përjvashme e filloi me pensionistët pas prezantimit shumë të suksesshëm të Programit për Pensionistët ndërsa sqaroi një herë e mirë pas gjithë lukunisë mediatike se ku do ti gjejë PD paratë për përmbushjen e premtimeve.

“Sjellja ndaj pensionistëve është dëshmi e njerëzisë apo çnjerëzisë së shtetit ndaj shqiptarëve.
Pasi ata sot janë pa diskutim shtresa më në nevojë që përballen me dhimbjet e përditshme dhe jo pak prej tyre, qajnë çdo ditë me lot të ftohta mjerimi.
Në takimin që pata sot me ta, përfaqësuesit e shoqatave të tyre shumë serioze, ata vlerësuan realisht programin e PD për vendosjen e minimumit jetik 200 euro që është interesi më i madh i mbi 520 mijë pensionistëve, të cilët marrin që të gjithë nën 200 euro.
Vlerësuan kartën e konsumatorit, edhe ajo si lehtësim real. Por bënë edhe sugjerime të tjera të drejta.
Dhe unë u premtoj sot pensionistëve shqiptarë se të gjitha padrejtësitë ligjore në përllogaritjen e pensioneve marrin fund brenda 3 muajve të parë të qeverisjes së PD.

Qytetarët duhet ta dinë se në ligjet për pensionet ka absurditete, ka mohime kontributesh, ka arbitraritete.
Ta zëmë, në ligjin e kohës, punëtori në kooperativë fillonte punën në moshën 14-vjeçare, kurse në ndërmarrjen shtetërore, në moshën 15-vjeçare. Edi Rama ka shpallur si vit të fillimit të punës moshën 18-vjeçare, duke u mohuar në këtë mënyrë 3 dhe 4 vite, qindra e mijëra pensionistëve.
Unë dhashë këtu vetëm një shembull të absurditeteve ligjore që këta kanë vendosur.
Tani rikthehemi për një moment tek gropa që thotë Edi Rama te fondi i pensioneve. Autori më i madh në gropën e pensioneve është Edi Rama, jo vetëm me largimin masiv e punëtorëve dhe të rinjve nga Shqipëria, por me mospagesën e kontributeve shoqërore për punonjësit e administratës dhe ndërmarrjeve publike. Kjo është e padëgjuar ndonjëherë, që shteti nuk paguan sigurimet shoqërore për punonjësit e tij. Pra, shteti mban në zi punonjësit e tij. Pra, administrata shtetërore është një piramidë informaliteti.
Dhe kjo merr fund. Kjo nuk ka ekzistuar. Unë garantoj që do jetë i hekurt ligji, që njëkohësisht me disbursimin e pagave do të disbursohen sigurimet për çdo punonjës në mënyrë të prerë dhe të padiskutueshme.
Pensionistët dhanë ide të tjera, propozime të tjera shumë të arsyeshme. Ata kërkuan që shteti të shmangë nga detyrimi fiskal të ardhurat që ata krijojnë pas daljes në pension, pagat që marrin pas daljes në pension, dhe kjo do të ndodhë.
Mora përsipër që pensionistët nuk do paguajnë sigurime apo taksa të tjera për pagën.
Pensionistët kërkojnë jo udhëtim falas, por me gjysëm çmimi, dhe unë u premtoj atyre udhëtim me gjysmë çmimi në të gjithë Shqipërinë.
Është bërë e paimagjinueshme, sot me linjat ajrore shkon më lirë Tiranë-Berlin se sa Tiranë-Vlorë me autobus apo me taksi. Pensionistët me letërnjoftimin që dëshmon moshën, do kenë bileta të përgjysmuara.
Pensionistët do kenë të drejtë të analizave bazë, falas çdo 6 muaj. Falas! Ju e dini, check-upi Rama-Nushi i përjashton pensionistët. Kushton 60 milionë euro, ndahen së bashku mes Edi Ramës dhe Vilma Nushit dhe i përjashtojnë pensionistët.
Check-upi do anulohet menjëherë dhe pensionistëve do u njihet e drejta e analizave falas dy herë në vit.
Pensionistët kërkojnë gjithashtu organizime kulturore në grupe, brenda vendit mundësisht, por ndonjëherë edhe në vendet përreth. Ministria do ketë të gjithë fondet dhe buxhetin për një trajtim sa më dinjitoz të pensionistëve.
Pra, unë mund të them se ky ishte një takim shumë i frytshëm.
Shoqata e pensionistëve raportoi se në rast se qeveria që po ikën, do të kishte ndjekur trendin e qeverisë së mëparshme në rritjen e pensioneve, sot pensioni mesatar do ishte 210 euro.
Po imagjinoni ju në qoftë se marrim parasysh dyfishimin e çmimeve, ai duhej të ishte së paku 260 euro, dhe është 170 euro.
Pra, është një situatë të cilën Aleanca për Shqipërinë Madhështore merr përsipër ta ndryshojë me shpejtësi.
Dhe konsideron vërtet kjo është një faturë sociale, nuk mohohet, por konservatorizmi nuk injoron kurrë dimensionin e dhembshurisë njerëzore, e ka në moralin e tij. Ndaj dhe ne jemi kaq të fokusuar në paketën e dhembshurisë dhe përditësimin e saj,” tha Sali Berisha duke konstatuar se Pensionistë kanë pëlqyer Programin e PD dhe paketën e dhembshurisë.

“Çfarë më rezulton nga kjo? Mua më rezulton se pensionistët e kanë pëlqyer programin e PD-së dhe pensionistët janë kundër, refuzojnë qëndrimin cinik të Edi Ramës ndaj tyre, mashtrimet e tij për humnerën, por edhe bonuset, dhurata me pikatore.
Pensionistët nuk duan gjë tjetër veç se shpërblimin që meritojnë, siç janë pensionistët në Kosovë, Maqedoni e Mal të zi. Një pensionist në Shqipëri merrte më shumë se një pensionist në Bullgari e Rumani, që ishin anëtare të BE-së. Sot është rrokullisur.
Sot janë të fundit. Pse, sepse administrata nuk paguan sigurimet shoqërore. Sepse Edi Rama në mënyrën më të paimagjinueshme ndan 16 milionë euro nga 8 miliardë, për pensionistët. Sigurisht që pensionistë kanë pëlqyer realisht paketën e dhembshurisë.”

I pashmangshëm ishte publikimi i përgjimeve të Erion Veliajt, që për liderin e opozitës janë makbethiane.

“Së pari, nga publikimet e tij, del mirëfilltas një shpellë intrigantësh, njerëz të inkriminuar që i fusin thika njëri-tjetrit.
Tani, që Erion Veliaj është aty ku është, për krimet e rënda, kjo nuk ka diskutim.
Por Erion Veliaj duhet të jetë me organizatë kriminale, familjare dhe bashkiake, të dyja. I ka të dyja.
Por që me Erion Veliajn, t’i organizohen kurthe nga ministra, kjo është makbethiane, pak ët themi por është makbethiane. Lëre që e regjistrojnë nga të gjitha anët, dhe pastaj Uluziu… a e morët vesh ju kush është Olsi? Olsi është Uluziu… absolutisht. Olsi i Altin Hajrit, i dy kostumeve, merrja pak masën, ai e bëri punën mirë, prandaj merrja masën për dy kostume.
Tani, burime 100 përqind të sigurta më informojnë se nuk bëhet fjalë as për Olsi Çelës, as për Olsi Dadon, por për Uluziun.
Kështu që komentet e mia për përgjimet e Erion Veliajt dhe mesazhet e tij tregojnë se kemi të bëjmë me një grup mafioz me pushtet që nuk kanë asnjë rregull, asnjë ligj, asnjë normë.”

Berisha me këtë rast i vuri kapak dhe propagandës komuniste e cila vazhdon dhe trumbeton koston e premtimeve të PD dhe Sali Berishës por jo dhe Edi Ramës që vazhdon dhe gënjen që 12 vjet! Sidoqoftë, kryedemokrati tha se paratë për realizimin e programit të PD gjenden te realizimi i punëve publike, inceneratori, te avioni taksi, shishja e verës 33 mijë euro.

“Këto para, para së gjithash do të dalin nga vjedhjet e mëdha që bëhen. Nuk do humbasin më 130 mln euro me djegësin e Tiranës. Nuk do humbasin më 110 mln euro me Beketin. Nuk do të përdoret më avion taksi për kryeministrin me 21 mln euro. Do ti faturohet Surrelit, kopshti 5 mln euro, do ta paguajë një për një nga xhepi Edi Rama atë. Nuk serviret verë 33 mijë euro shishja. Nuk do prokurohen 10 mijë euro sauna e veturave të ministrave.
Dhe këto bëjnë një shumë e cila përballon 1/3 e faturës.
Burimi i dytë i madh ku do të merren këto para dhe është shumë e drejtë, është se ne e kemi faktuar se ulja e taksave shton të ardhurat. Ne besojmë se me uljen e taksave ne shtojmë të ardhurat buxhetore në një masë prej të paktën në 4 vite, në 30% të GDP.
Ky shtim të ardhurash do kalojë pikërisht për fondet e premtimeve të bëra.
Por burimi më kryesor i të ardhurave për përmbushjen e premtimeve janë realizimi i punëve publike me çmimet ndërkombëtare, nuk po themi kombëtare. Me çmimet që përcaktohen në manualet e ndërtimit.
BE-ja ka një manual ndërtimi, SHBA ka manualin e vet të ndërtimit. Nëqoftëse ju ndërtoni bazuar mbi ato manuale që tregojnë kostot për çdo punë, vegël dhe çdo objekt ju do të gjeni se në Shqipëri rruga që kushton 10 mln euro, ndërtohet pa asnjë lloj problemi me 1.3 mln euro.
Ju do gjeni se në Shqipëri, rruga që ndërtohet me 700 mijë euro, kushton sot 5 mln euro.
Nëse merr faturën totale të investimeve që Lubi Balluku ka pasur në përdorim në këto vite, ajo shkon 12 miliardë euro.
Por nëqoftëse kontrollon një për një objektet e investuara ato nuk kushtojnë kurrë më shumë se 1.3 miliardë euro,” tha ai duke garantuar se fondet do të mjaftojnë pa asnjë lloj dyshimi dhe jo vetëm kaq, por do të ketë projekte më të fuqishme më të mëdha, në punët publike se gjer sot.

Burim tjetër. Sot ka një administratë 230 mijë punonjës, jashtë çdo lloj proporcioni. Natyrisht e gjithë kjo ëhstë është në kurriz të rrogëultëve në kurriz të pensionistëve dhe kjo merr fund.
Ndërmarrje publike me punësim me mijëra e mijëra patronazhistë, të gjithë tarifën e energjisë e rritin këta, se këta rritin koston e prodhimit të saj.
Po të studioni ju, taksat e drejtorisë së transportit rrugor. Ju nuk mund ta imagjinoni se çfarë gjobash të rënda vendos për qytetarët ajo drejtori dhe me këto gjoba shkon e ndërton Formula 1 se i duhet. Elbasani nuk ka bajpasin dhe këta ndërtojnë Formula 1. Unë nuk jam kundër Formula 1, por nuk mund të pranoj kurrë të futet dora në xhepin e qytetarëve siç fut ky nëpërmjet shumëfishimit të tarifave të shërbimeve të kësaj drejtorie ndaj qytetarëve. Apo hë se këta kanë vetura dhe kanë,” tha Kryetari i Partisë Demokratike, Sali Berisha, duke besuar se u bë një qartësim i burimeve me të cilat do të përmbushen detyrimet e ofertës tonë përfundoi:

“Natyrisht nuk duhet të harroj asnjeri se, në epiqendër të përpjekjes tonë do të jetë lufta me zero tolerancë ndaj krimit dhe korrupsionit. Me këtë luftë ne garantojmë të gjitha burimet financiare për tu dalë zot 100% dhe me rezerva premtimeve tona.
Ai që mund të vejë në dyshim këtë e ftoj të shkojë, të marrë rritjen e rrogave dhe pensioneve në vitet 2006-203 dhe të krahasojë dhe punët publike të bëra në atë periudhë dhe do të gjejë se nuk ka asnjë lloj vështirësie për të përmbushur premtimet që kemi.”