Shuhet Papa Françesku

Shuhet Papa Françesku! Papa Françesku ndërroi jetë mëngjesin e sotëm në moshën 88-vjeçare, në rezidencën e tij në Casa Santa Marta të Vatikanit.

“Të dashur vëllezër e motra, ju njoftojmë me pikëllim të thellë se Papa Françesku ka vdekur. Në orën 7:34 mëngjesin e sotëm, peshkopi i Romës, Françesku, u kthye në shtëpinë e Atit,” tha kardinali Kevin Farrell përmes një njoftimi në kanalin televiziv të Vatikanit.

Si Papa i 266-të i Kishës Katolike Romane, ai ishte i pari prej kontinentit amerikan, dhe i pari i lindur jashtë Evropës që u ngjit në krye të Selisë së Shenjtë, në më shumë se një mijëvjeçar.

I lindur si Jorge Mario Bergoglio në Buenos Aires të Argjentinës, i biri i imigrantëve italianë, kishte punuar si teknik kimik para se t’iu bashkohej jezuitëve më 1958. U shugurua si prift më 1969 dhe u bë udhëheqës superior i jezuitëve të një province të Argjentinës në periudhën 1973-1979.

Më 1988, ai u emërua peshkop i Buenos Airesit. Tre vjet më vonë, Papa Gjon Pali II e ngriti atë në Kolegjin e Kardinalëve.

Pas dorëheqjes së Papa Benediktit XVI më 28 shkurt 2013, konklava papale zgjodhi Bergoglio si pasuesin e tij më 13 mars. Ai zgjodhi Françeskun si emrin e tij papal për nder të Shën Françeskut të Asizit . Gjatë gjithë jetës së tij publike, Françesku është shquar për përulësinë e tij, theksin në mëshirën e Zotit dukshmërinë ndërkombëtare si Papë, shqetësimin për të varfërit dhe përkushtimin ndaj dialogut ndërfetar Ai është i njohur për një qasje më pak formale ndaj papatit sesa paraardhësit e tij, për shembull, duke zgjedhur të banojë në bujtinën Domus Sanctae Marthae dhe jo në apartamentet papale të Pallatit Apostolik të përdorur nga papët e mëparshëm.

Françesku i ka bërë gratë anëtare të plota të dikasterive në Kurinë Romake .

Ai i kushtoi rëndësi edhe dialogut ndërfetar, duke nënshkruar Dokumentin për Vëllazërinë Njerëzore, bashkë me imamin e Al-Azharit në Egjipt, Ahmed el-Tayebin, më 2019, një marrëveshje e rëndësishme për promovim të paqes dhe bashkekzistencës mes besimeve të ndryshme.

Në vitin 2022, ai kërkoi falje për rolin e Kishës në ” gjenocidin kulturor ” të popujve indigjenë kanadezë . Françesku mblodhi Sinodin mbi Sinodalitetin që u përshkrua si kulmi i papatit të tij dhe ngjarja më e rëndësishme në Kishën Katolike që nga Këshilli i Dytë i Vatikanit .

Ai bëri përpjekje për të reformuar sistemin financiar të Vatikanit dhe për t’i adresuar abuzimet seksuale të klerikëve brenda institucionit të Kishës.

Më 2025, ai publikoi autobiografinë “Shpresa”, duke ofruar më shumë hollësi për jetën e tij dhe misionin.

Ndryshe, në vitet e fundit, Papa Françesku ishte përballur me disa komplikime shëndetësore. Më 2021, ai i ishte nënshtruar një operimi në zorrën e trashë, ndërsa më 2023 ka pasur një operim tjetër në abdomen për të trajtuar herninë. Ai ishte përballur edhe me dhimbje kronike të gjurit dhe shpinës, dhe shpesh kishte përdorur karrige lëvizëse.

Pavarësisht këtyre komplikimeve, ai pati agjendë të ngarkuar, dhe i kreu detyrat e një Pape, si dhe udhëtoi nëpër botë. Në fillim të vitit 2025, ai u shtrua në spital për shkak të një infeksioni në traktin e frymëmarrjes, çka më vonë i rezultoi me pneumoni të dyfishtë. Gjendja e tij ishte e rënduar, duke e detyruar të qëndronte ditë të tëra në spital.

Dje, të dielën e Pashkëve, ai kërkoi të merrte pjesë në kremtimet e meshës dhe u shfaq në lozhën e Shën Pjetrit për bekimin Urbi et Orbi.

Papa përcolli mesazhe që përfshin thirrjet për armëpushim në Gaza, për paqen në Ukrainë dhe në rajonet afrikane dhe një ftesë për të mbështetur popullsinë e Mianmarit, të goditur nga tërmeti. “Asnjë paqe nuk është e mundur pa çarmatim të vërtetë,” tha Papa duke bërë thirrje për armëpushim në Gaza, për paqen në Ukrainë dhe në rajonet afrikane dhe një ftesë për të mbështetur popullsinë e Mianmarit, të goditur nga tërmeti.

“Asnjë paqe nuk është e mundur pa çarmatim të vërtetë,” tha Papa Françesku duke bërë thirrje për respektimin e lirisë fetare ndërsa kërkoi lirimin e të burgosurve të luftës dhe të burgosurve politikë, gjatë Jubileut.

Më pas, Papa Françesku përshëndeti besimtarët ndërsa kaloi përmes turmës në sheshin Shën Pjetri.