Takimi LVV-PDK dështoi, Parlamenti i Kosovës nuk u konstituua as sot
Përpjekja e kryetarit të Lëvizjes Vetëvendosje, Albin Kurti, për të arritur një marrëveshje me dy parittë e mëdha PDK e LDK, për të zgjidhur krizën politike në parlament, përveç se tregoi se partia e Ibrahim Rugovës nuk është më institucionale dhe refuzon negociata, nuk zgjidhi asgjë as gatishmëria e partisë së Hashim Thaçit sepse LVV nuk pranoi ndryshimin e kandidatit për Kryetar të Parlamentit, Albulena Haxhiu! .
Pas këtij takimi, në seancë konstituive dështoi dhe përpjekja e LVV për ndryshimin e mënyrës së votimit me qëllim të konstituimit të Parlamentit, por palët vazhduan të qëndrojnë në anët ekstreme të tyre sa dhe Lista Srpska u pozicionua në krahun e opozitës duke kërkuar zbatimin e Rregullores së Parlamentit.
Takimi Kurti-Krasniqi
Pas takimit që Kryetari i PDK-së, Memli Krasniqi, me Kryetarin e Lëvizjes Vetëvendosje, Albin Kurti, Krasniqi tha se qëndrimi i PDK-së mbetet i njëjtë ndërsa Kurtit i është thënë se duhet të mendojë për emra të tjerë, përveç se atij të Albulena Haxhiut.
“Qëndrimet e PDK-së dhe të mijat janë ato që i dini. Atë që e kam thënë pas çdo dështimi të seancës para jush, ia kam thënë edhe Kurtit. Për PDK-në është me rëndësi sa më shpejt të zhbllokohet kjo situatë, të konstituohet Kuvendi i Kosovës e të hyhet në afatet kushtetuese për zgjedhjen e qeverisë. Për të ndodhur kjo, padyshim që privilegji kushtetues për ta propozuar kryetarin apo kryetaren i takon partisë LVV,” tha Memli Krasniqi duke sqaruar dhe propozimin që i kishte ofruar Albin Kurtit.
“Edhe Kurtit i thash do të ishte mirë të mendojë për kandidatë e kandidatura të tjera. Ne nuk kemi pasur qëndrim bllokues, mohues. Nuk na takon neve të zgjedhim kryetarin e kuvendit partisë që ka dalë e para. Asnjëherë në të kaluarën nuk është votuar një kryetar prej atyre që nuk kanë marrëveshje politike”.
Kriza vazhdon
Kështu ka dështuar për herë të nëntë seanca konstituive ndonëse Kryesuesi i seancës, deputeti i LVV-së Avni Dehari, ka propozuar që sot votimi për kryeparlamentarin të bëhet i fshehtë.
Nga 110 deputetë prezentë, 54 votuan për dhe 1 kundër.
Vazhdimi i seancës konstituive pritet më 3 Maj në orën 10:00
