Video/ Ky është fshati zviceran ku u shemb akullnaja
Fshati zviceran Blatten është shkatërruar pasi një pjesë e madhe e akullnajës u shemb në një luginë. Edhe pse fshati u evakuua disa ditë më parë nga frika se akullnaja Birch mund të shembej, një person është raportuar i zhdukur.
Shumë shtëpi u rrafshuan dhe pothuajse i gjithë fshati u varros. 300 banorë u detyruan të largohen nga shtëpitë e tyre më 19 maj, pasi gjeologët që monitoronin zonën paralajmëruan se akullnaja dukej e paqëndrueshme. Disa prej tyre mund të mos jenë kurrë në gjendje të kthehen.
#BREAKING – #Switzerland: The village of Blatten has been completely destroyed by a massive landslide.
— 🌍 Breaking News of the Day (@BNOfTheDay) May 29, 2025
One person is still missing, and a frantic search is underway.
The debris is damming a river, threatening a devastating flood. pic.twitter.com/CBhmfpqOAY
Qeveria zvicerane ka premtuar se do të sigurojë burime financiare për t’ju mundësuar banorëve të kthehen, nëse jo në vetë fshatin, të paktën në zonën përreth. Megjithatë, kreu i zyrës rajonale për rreziqet natyrore, Raphaël Mayoraz, paralajmëroi se evakuime të mëtejshme në zonat pranë Blatten mund të jenë të nevojshme.
Glaciologët që kanë monitoruar shkrirjen për vite me radhë paralajmërojnë se disa qytete dhe fshatra alpine mund të kërcënohen në të ardhmen.
Raporti i fundit mbi gjendjen e akullnajave të Zvicrës sugjeron se ato mund të zhduken të gjitha brenda një shekulli nëse temperaturat globale nuk mbahen brenda rritjes prej 1.5°C mbi nivelet para-industriale, siç u ra dakord dhjetë vjet më parë nga gati 200 vende sipas Marrëveshjes së Parisit për Klimën.
