KPK konfirmon në detyrë prokurorin e Krimeve të Rënda,

Komisioni i Pavarur i Kualifikimit konfirmon në detyrë prokurorin e Krimeve të Rënda, Besnik Muçi.

“Procesi shumë i vështirë. Procesi nga ana e KPK-së ishte korrekt. Ia dola të provoj në mënyrë pozitive tre komponentët e vettingut”u shpreh prokurori Muçi pas vendimit

Dje prokurori i Krimeve të Rënda, Besnik Muçi u përball me KPK që përfaqësohej në këtë proces nga Lulzim Hamitaj, Brunilda Bekteshi dhe Olsi Komici.

Prokurori e ka nisur karrierën në vitin 2002 si prokuror në Prokurorinë e Tiranës. Në vitin 2007, Muçi kaloi në Policinë e Shtetit ku mbajti postin e drejtorit të  Drejtorisë kundër Krimit Financiar deri në gusht të vitit 2008. Prej asaj kohe, ai ushtron detyrën e prokurorit në Prokurorinë e Krimeve të Rënda.

Prokurori, më herët, u skualifikua nga gara për Prokuror të Përgjithshëm me argumentin se nuk përmbushte kriterin e vjetërsisë në punë, pasi i mungonin vetëm 15 ditë.

Aktualisht Besnik Muçi kandidon për Këshillin e Lartë të Prokurorisë.