Tritol në shtpinë e Gazmi Dacit, i arrestuari rrëfen arsyet para togave të zeza…

“Arrest me burg” është masa e sigurisë që Gjykata i ka dhënë Vilson Brahajt, i arrestuar për vendosjen e tritolit në banesën e prindërve të Gazmir Dacit më 27 korrik.

Mësohet se para togave të zeza Brahaj ka rrëfyer motivin i cili e ka shtyrë për të vendosur tritolin në shtëpinë e familjes Daci.

“Ai që më kontaktoi për të vendosur tritolin e kam njohur në shkollë. Ishte i moshës 25 vjeç.  Tritolin ma ka sjellë vetë dhe më tha që shtëpia është e imja e dua të iki për azil. Nuk e dija që familja ishte në hasmëri,” mësohet të ketë thënë Brahaj vepër për të cilën tha ai se eshte paguar 5 mije euro.

“E bera per lekë!”

Brahaj u identifikua nga kamerat e sigurisë të cilat kishin fiksuar personin që vuri tritolin në banesën në pronësi të Xhelal Dacit në rrugën “Martin Camaj” në Bathore. Xhelali është babai i Gazmir Dacit i cili vuan dënimin me 35 vjet heqje lirie për vrasjen e Valmir Kolaverit.

23 vjeçari nga Kukësi, Vilson Brahaj,  u arrestua më 30 korrik, në operacionin e koduar “Pagesa”.