Pakistani propozon Trumpin për Çmimin Nobel për Paqe: Parandaloi një konflikt më të gjerë!
Pakistani u shpreh përmes mediave sociale se Presidenti i SHBA, Donald Trump, duhet të marrë çmimin Nobel për Paqen në vitin 2026 “në shenjë mirënjohjeje për ndërhyrjen e tij vendimtare diplomatike dhe rolin kryesor udhëheqës gjatë krizës së fundit midis Indisë dhe Pakistanit”.
Donald Trump ka pretenduar prej kohësh se ai ka luajtur një rol kyç në uljen e konfliktit, pavarësisht mohimeve të vazhdueshme të autoriteteve indiane.
Nominimi u shpall pasi Trump u pyet dje nga gazetarët për çmimin Nobel, ku ai u përgjigj se duhet ta marrë atë për një sërë arsyesh, duke përfshirë Serbinë, Kosovën, angazhimin e tij në marrëdhëniet midis Indisë dhe Pakistanit dhe një marrëveshje për t’i dhënë fund armiqësive midis Republikës Demokratike të Kongos dhe Ruandës, të cilën ai planifikon ta nënshkruajë të hënën e 23 Qershorit.
“Nuk do të më japin Çmimin Nobel për Paqe, atë ia japin vetëm liberalëve”
“Duhet ta kisha fituar katër ose pesë herë,” tha Trump duke shtuar: “Ata nuk do të më japin Çmimin Nobel për Paqe sepse ua japin atë vetëm liberalëve”.
Trump u ankua se nuk do të merrte Çmimin Nobel për Paqe për “ndalimin” e luftës midis Indisë dhe Pakistanit, as për përpjekjet e tij në luftën e Ukrainës dhe tensionet midis Izraelit dhe Iranit. Përmes rrjetit social “Truth”, Trump u shpreh:
“Nuk do të marr Çmimin Nobel për Paqen, pavarësisht se çfarë bëj”.
Postimin e filloi me fjalët se ishte “shumë i lumtur” që mund të informoi se ai së bashku me Sekretarin e Shtetit, Marco Rubio, kishin ndërmjetësuar një marrëveshje paqeje “të mrekullueshme” midis Kongos dhe Ruandës, luftë e cila ishte e njohur për “dhunë, gjakderdhje dhe vdekje, madje shumë më i keq se shumica e luftërave të tjera, dhe ka vazhduar për dekada”.
“Nuk do ta marr për ndalimin e luftës ndërmjet Indisë dhe Pakistanit, as konfliktit mes Serbisë dhe Kosovës”
Ai shtoi se përfaqësuesit e Kongos dhe Ruandës do të vijnë në Washington të hënën për të nënshkruar një marrëveshje, duke e quajtur atë një ditë të madhe për Afrikën dhe një ditë të madhe për të gjithë botën. Por pavarësisht kësaj, tha ai, nuk do të merrte as Çmimin Nobel për atë përpjekje.
“Nuk do ta marr për këtë, nuk do ta marr për ndalimin e luftës ndërmjet Indisë dhe Pakistanit, nuk do ta marr për ndalimin e konfliktit ndërmjet Serbisë dhe Kosovës”, tha Trump. India ka theksuar vazhdimisht se marrëveshja për ndërprerjen e armiqësive me Pakistanin është arritur përmes bisedimeve të drejtpërdrejta midis shefave të shtabit të dy ushtrive.
Në postimin e tij në rrjetet sociale, Trump tha se ai nuk do të merrte Çmimin Nobel për “ruajtjen e paqes midis Egjiptit dhe Etiopisë, një digë masive e ndërtuar nga Etiopia dhe e financuar marrëzisht nga Shtetet e Bashkuara redukton ndjeshëm rrjedhën e ujit në lumin Nil.
Trump pohoi gjithashtu se nuk do të merrte Çmimin Nobel për Paqe për Marrëveshjen e Abrahamit në Lindjen e Mesme, të cilin ai pretendon se “nëse gjithçka shkon mirë, do të mbushet me nënshkrues të rinj” dhe do të bashkojë Lindjen e Mesme për herë të parë “në gjithë përjetësinë”.
“Jo, unë nuk do të marr Çmimin Nobel për Paqe, pavarësisht se çfarë bëj, duke përfshirë Rusinë dhe Ukrainën, Izraelin dhe Iranin, cilido qoftë rezultati i këtyre konflikteve, por njerëzit e dinë dhe kjo është e gjitha që ka rëndësi për mua”, përfundoi ai.
Government of Pakistan Recommends President Donald J. Trump for 2026 Nobel Peace Prize
— Government of Pakistan (@GovtofPakistan) June 20, 2025
The Government of Pakistan has decided to formally recommend President Donald J. Trump for the 2026 Nobel Peace Prize, in recognition of his decisive diplomatic intervention and pivotal…
Trump parandaloi një konflikt më të gjerë që do të kishte pasoja katastrofike”
Në një deklaratë të qeverisë pakistaneze, thuhet se “në një kohë tensionesh rajonale, Presidenti Trump tregoi zgjuarsi të madhe strategjike dhe aftës superiore të një burrështeti, falë angazhimit të tij diplomatik vendimtar me Islamabadin dhe Nju Delhi, i cili depërshkallëzoi situatën që përkeqësohej me shpejtësi, siguroi një armëpushim dhe parandaloi një konflikt më të gjerë midis dy fuqive bërthamore që do të kishte pasoja katastraofike për miliona njerëz në rajon dh emë gjerë”.
Kjo “ndërhyrje”, thekson Pakistani, dëshmon për rolin e tij si “paqëbërës i vërtetë dhe përkushtim për zgjidhjen e konflikteve përmes dialogut”. Pakistani vlerësoi gjithashtu “ofertat e Trump për të ndërmjetësuar për çështjen e Kashmirit”.
“Udhëheqja e Presidentit Trump gjatë krizës Pakistan-Indi 2025 tregon qartë vazhdimësinë e politikës së tij të diplomacisë pragmatike dhe ndërtimit efektiv të paqes.
Pakistani mbetet optimist se përpjekjet e tij të sinqerta do të vazhdojnë të reflektojnë mbi stabilitetin e rajonit dhe botës, veçanërisht në kontekstin e krizave aktuale në Lindjen e Mesme, duke përfshirë tragjedinë humanitare në Gaza dhe përshkallëzimin gjithnjë e më serioz të konfliktit me Iranin”, thuhet në deklaratë.
Kritikët të gatshëm
Ndonëse pritej ndonjë kritikë nga Ukraina, Izraeli ose Irani për këtë propozim, gojën e hapi kritiku dezhurn i Presidentit Donald Trump, Ish-Këshilltari për Sigurinë Kombëtare gjatë mandatit të parë, John Bolton.
Urrjetja nuk e lejoi të mendoj racionalisht, dhe përmes rrjetit social X, John Bolton tha se Trump e dëshiron Çmimin Nobel sepse Ish-Presidenti i SHBA-së Barack Obama e fitoi.
“Ai nuk do ta marrë atë për zgjidhjen e luftës në Ukrainë. Ai po përpiqet pa sukses të marrë merita për armëpushimin e fundit midis Indisë dhe Pakistanit. Ai aktualisht po lufton për të arritur një marrëveshje me Iranin dhe Izraeli po i kërkon të ndihmojë në shkatërrimin e programit bërthamor të Iranit. Dhe ai ende nuk e ka marrë vendimin,” tha John Bolton duke e lidhur dëshpërimisht me dhënien e Çmimit Nobel për Obamën që ndonëse kanë kaluar 16 vjet as sot nuk ka kuptim. Në atë kohë e kritikuan shtetet si Afganistani, Iraku e Palestina që nuk ia panë hajrin edhe pas arsyetimit të Komitetit të Nobelit që ia jep Presidentit të SHBA vetëm 8 muaj në detyrë, për ta inkurajuar në zgjidhjen e konflikteve të mëdha.
E kur është fjala te John Bolton, që ishte dhe Ambasador i SHBA në OKB, ai e dinë mirë se varrin Ukrainës ia hapi dora vetë Barack Obama!
Ndryshe, mediat sorosiane do të vazhdojnë të sulmojnë propozimin pakistanez për Presidentin Trump deri në shpalljen e Çmimit Nobel për Paqe, ndërsa deri më sot këtë Çmim e kanë marrë katër President të SHBA: Theodore Roosevelt, Woodrow Wilson, Jimmy Carter dhe Barack Obama.
