Ambasada Amerikane: Autoblindat për Kosovën, hap i rëndësishëm për sigurinë

Pas pranim-dorëzimit të 50 automjeteve të blinduara për siguri, ASV, Ambasada e Shteteve të Bashkuara në Prishtinë thekson se këto mjete ushtarake janë dorëzuar në kuadër të Programit për Pajisje të Mbetura të Mbrojtjes, Excess Defense Articles Program.

“Shtetet e Bashkuara kanë kënaqësinë të dorëzojnë 50 automjete të blinduara për siguri, ASV, për Qeverinë e Kosovës,” thuhet në deklaratën e Ambasadës amerikane në Prishtinëë .

Kosova, përmes burimeve të saj të mbrojtjes, shprehet Ambasada e Shteteve të Bashkuara në Prishtinë, do të angazhohet për t’i sjellë këto automjete në gjendje të plotë operacionale, duke e konsideruar këtë si një tjetër hap të rëndësishëm në përforcimin e kapaciteteve mbrojtëse të Forcës së Sigurisë së Kosovës, FSK.