Dexhalli u shfaq, Diella lindi në Perëndim…

nga Agim Popoci

Kush e bëri ministren AI, Diellën, nuk është enigmë e madhe si veza me pulën edhe pse ajo mori rrugën edhe deri në New York, sepse kemi një përgjigje që është dhënë shumë vite më parë, sapo u shfaq në Bashkinë Tiranë, Dexhalli!

Veprimet e tij antiligjore nuk u morën seriozisht nga bektashiu Ilir Meta, në atë kohë Kryeministër, Kryetari i PS, Fatos Nano, i cili u paralajmërua për këtë shenjë të Ditës së Gjykimit që e kishte dhënë Profeti Muhamed, por Nano si i ortodoks që është nuk e çau kokën as kur u sqarua se ishte ajo që të krishterët e quajnë Antikrishti, duke e konsideruar të ekzagjeruar, për aftësinë që mund të ketë një thonjëpaprerë që e kishte sjellë vetë nga brigjet e Senës së Parisit, ndonëse e konfirmoi se kemi të bëjmë me një gënjeshtar të pandreqshëm!  

Por, shfaqja e Dexhallit në shkallët e Teatrit të Operas dhe Baletit duke ulëritur  në mitingun e Partisë Socialiste, “O Doktoooorrrrr…”, ishte një shenjë e frikshme jo vetëm për Ilir Metën që po qeshte pa fre deri sa në fushatë ishte shprehur qartë se Edi Rama nuk e ka dinë as vetë se nga vjen, por edhe për kombin dhe shtetin shqiptar që po shikonte me sytë e vetë, shenjat e Kiametit!

Dexhalli nuk ndaloi, dhe kur Fatos Nano po shikonte i shqetësuar me sytë e vetë, trazirat që po shkaktonin jeniçerët e Dexhallit para Kryeministrisë, ishte vonë, tashmë humbja e diturisë dhe mbizotërimi i injorancës dhe imoralitetit kishte marrë dhen, dhe po qëndronte para portës së Partisë Socialiste!

Kështu, partia që ishte drejtuar nga kriminelë ordiner dhe vrasës pa pagesë, tani i la në dorë fatin e saj një gënjeshtari dhe mashtruesi më të madh që ka njohur kombi shqiptar ndonjëherë, dhe duke mos njohur dhe respektuar librat e shenjtë, as që e çonte nëpër mend se ky Dexhall do të arrijë deri në shkallën sa do të pretendojë se është vet Zoti, dhe shumë prej shqiptarëve do ta besojnë dhe pasojnë atë!

Për të gjithë ata që të habitur po shikonin njeriun nga sëpata deri te e-albania, dhe nuk besonin për ato që thuhej lartë e poshtë në Skele se na qenka gënjeshtar, hajdut e vrasës, Dexhalli doli te Fevzo dhe e tha qartë se askush nuk mund ta largoj nga pushteti, vetëm kur ai të vendos, do të ikë vetë!      

E keqja e madhe në gjithë këtë histori të kobshme shqiptare është dhe rivalja e kësaj partie kriminale, PD, e cila duke u marrë me kartelet e tij mjekësore nëpër spitale, shpërfilli faktin se Dexhalli po i ofrohej këmba – këmbës për t’ju futur në seli, ku dhe u fut!

E shkatërroi, i arrestoi liderin, dhe në fund duke kërcënuar në Parlament edhe të gjithë ata që nuk i shkuan pas dhe vazhdojnë të jenë kundërshtarët e tij të denjë, u tha se ai është vetë zoti në këtë vend, dhe do ta hap e mbyll Parlamentin kur ti teket!

Në vazhdim, kur po i drejtohej deputetëve të Parlamentit të Ri, nxori Diellën nga mënga që kishte lindur pikërisht  në Perëndim, po, të Surrelit, dhe pa se kjo ministre e AI që ishte dekretuar nga Presidenti nuk u pranua nga ata që nuk e kanë pasuar deri më sot në marrëzinë e tij, mori rolin që nuk e ka dhe nuk e kishte kurrë ligjërisht në këtë tempull, dhe mbylli seancën; Që ishte dhe shenja e parë serioze e Kiametit që po i afrohet kësaj Shqipërie që vetëm Zoti e ka fal!

Çuditërisht vendin e kaploi heshtja edhe pas shfaqjes së Dexhallit, Zjarrit, Tymit, Rrëshqitjes së tokës dhe lindjes së Diellës në Perëndim, ndoshta kjo ka të bëjë edhe me pushtimin e injorancës tashmë, gjithësesi, ky është paralajmërimi dhe fundi i këtij vendi që lindi me ndihmën e Presidentit amerikan Woodrow Wilson në Washington, dhe po merr fund nga Dexhalli me lindjen e Diellës në Perëndim të Surrelit!

Të gjithë ata shqiptarë që nuk respektuan librat e shenjtë, për fat të keq shpërfillën edhe ato të shkencës, të cilat që në vitin 1940-1950 kishin paralajmëruar nga dora vetë, shkencëtari amerikan Isaac Asimov, kohë kur ai u bë i njohur me nëntë rrëfimet e tij fanastiko-shkencore “I, robot” ndërsa paraardhësit e Dexhallit kishin nisur pushtimin e Tiranës fillimisht duke vrarë e prerë shkrimtarë, doktorë e oficerë, për t’ia dorëzuar në fund, në duart e atij që mori përsipër për ta çuar këtë vend deri në ditën e Kiametit!

Biokimisti dhe shkrimtari i njohur amerikan Isaac Asimov si autor i shumë veprave monumentale fantastiko-shkencore, historisë dhe shkencës popullore, la dhe “Tre ligjet e robotikës” që e ulin në tokë këtë njeri që shembi themelet e shtetit shqiptar dhe po kërcënon, por dhe thëniet epike për kompjutërat, që duhet t’i dijnë shqiptarët jo vetëm për të minimizuar madhështinë e lindjes së Diellës në Perëndim të Surrelit që sot e propagandon edhe në New York.

1. Një robot nuk mund të lëndojë një qenie njerëzore ose, nëpërmjet mosveprimit, të lejojë që një qenie njerëzore të dëmtohet.

2. Një robot duhet t’u bindet urdhrave që i janë dhënë nga qeniet njerëzore, përveç rasteve kur urdhra të tillë do të binin ndesh me Ligjin e Parë.

3. Një robot duhet të mbrojë ekzistencën e tij për sa kohë që një mbrojtje e tillë nuk bie ndesh me Ligjin e Parë ose të Dytë; Janë këto tre Ligjet e Robotikës së Isaac Asimovit që shqiptarët duhet t’i dinë jo vetëm për faktin që të qetësohen nga paniku që tashmë mbizotëron ndër qytetarët e Shqipërisë dhe jo vetëm, se çfarë mund të bëjë i Gjithëpushtetshmi, por edhe për të mos lejuar këtë delirant që erdhi si Dexhalli dhe u bë legjendë në një vend ku dituria ka marrë arratinë dhe injoranca po mbizotëron, të jap dhe leksione se çfarë është Inteligjenca Artificiale dhe cilat janë mundësitë e kësaj mrekullie kur edhe ca adoleshent iranian i bënë nul gjithë perandorinë e tij propagandistike e-albania!  

“Nuk kam frikë nga kompjuterët; kam frikë nga mungesa e tyre!” është ndoshta një nga thëniet më prekëse të Isaac Asimov për kompjuterët, por njihet dhe thënia e tij për shoqërinë në të cilën jetonte Asimov, dhe vdiq kur Edi Rama po sodiste shtyllat për t’i varë komunistët, që, për fat të keq, është po kjo shoqëri që sot e drejton Dexhalli:  

“Aspekti më i trishtueshëm i jetës tani është se shkenca po grumbullon njohuri më shpejt sesa shoqëria që po grumbullon mençuri.”

Ky shkencëtar i njohur amerikan ka lënë në histori edhe këtë thënie pa e ditur që në botën shqiptare do të shfaqet një Dexhall:

“Njerëzit që mendojnë se dinë gjithçka janë një pengesë e madhe për ne që dimë!”  

Dhe në fund, pa e ditur se kombi shqiptar do të drejtohet nga një injorant që trashëgiminë e vetme që la është droga dhe betoni, dhe pandehur do dalë si koka e kombit me një Diellë të lindur në Perëndim, të Surrelit, duke dhënë leksione Inteligjence në Tiranën ku njeriu nuk ka as ujë për të pirë, Isaac Asimov e tha shumë kohë më parë:    

“Inteligjenca është një pasojë aksidentale e evolucionit, por jo domosdoshmërisht një avantazh!”