KPK rikonfirmoi në detyrë prokurorin Arben Dollapaj

Komisioni i Pavarur i Kualifikimit rikonfirmoi në detyrë  prokurorin e Prokurorisë së Apelit Shkodër, Arben Dollapaj

Në seancën dëgjimore rezultoi se Arben Dollapaj nuk kishte fshehje pasurie

Edhe përsa i përket kriterit të pastërtisë së figurës dhe integritetit moral,  dollapaj është vlerësuar si   i përshtatshëm për të ushtruar detyrën.

Arben Dollapaj është një nga prokurorët e njohur të sistemit të akuzës në Shqipëri pasi ka drejtuar Prokurorinë e Durrësit për disa vite me radhë.

Më pas u transferua në Tiranë ku mori pjesë në hetimin e tragjedisë së Gërdecit që në momentet e para duke kryer veprimet në fshatrat që u prekën nga shpërthimi e derisa dosja u dërgua në Gjykatën e Lartë.

Për disa vite me radhë Arben Dollapaj ka punuar si prokuror në Prokurorinë e Përgjithshme por edhe si drejtues i sektorit të Inspektimit dhe më vonë u transferua në Apelin e Shkodrës ku punon aktualisht.

Para transferimit në Shkodër ai u përfshi në një debat publik me ish kryeprokurorin Adriatik Llalla.