Shkëlqim Hajdari emërohet Prefekt i Tiranës, Dash Sula e zëvendëson në postin e Kryeinspektorit

Me vendim të Qeverisë, Shkëlqim Hajdari është emëruar sot Prefekt i Tiranës.

Shkëlqim Hajdari dha dorëheqjen nga posti i Kryeinspektorit të Përgjithshëm më 14 Janar, post në të cilin u zëvendësua nga ish-deputeti i PD, Dashnor Sula.

Ndryshe, në korrik të vitit 2016, Shkëlqim Hajdari u emërua Kryeinspektor i Përgjithshëm nga Këshilli i Ministrave, post në të cilin ai tha me rastin e dorëheqjes se ka finalizuar reformë ligjore në fushën e inspektimeve, në varësi të kryeministrit.

Ndërkohë Dashnor Sula si ish-prokuror dhe ish-deputet i Partisë Demokratike, është emërimi i radhës i Edi Ramës nga ish-besnikët e Lulzim Bashës, që duke filluar prej ditës sotme do të kryej detyrën e Kryeinspektorit të Përgjithshëm.