Sot Protestë Kombëtare në Tiranë!

Pas thellimit të korrupsionit, refuzimit të Kryeministrit Edi Rama për të zbatuar vendimin e Gjykatës Kushtetuese edhe për konfirmimin e pezullimit nga detyra të Zv/Kryeminitres dhe ministres së Infrastrukturës, Belinda Balluku, pakënaqësive në rritje fermerëve, qytetarëve të ngelur në rrugë pas përmbytjeve të fundit si dhe dhunës së shfrenuar të pushtetmbajtësve ndaj të gjithë atyre që shprehën pakënaqësitë ndaj jetës së mjeruar që bëjnë, sot, qytetarët sërish i drejtohen sheshit para Kryeministrisë për të kërkuar të drejtën e tyre.

Partia Demokratike, si promotore e fjalës së lirë, ekonomisë evropiane të tregut, bujqësisë për fermerë dhe jo matrapazë të Ballkanit të Hapur dhe minimizimit të taksimit, duke renditur parregullsitë e kastës kriminale në pushtet që nuk lejon as zgjedhje të lira dhe tëndershme, e sheh zgjidhjen me largimin e bandës përreth kriminelit Edi Rama të përbashkuar.

Duke e konsideruar ditën e sotme si ditë të qytetarëve, Kryetari i Partisë Demokratike, Sali Berisha, ftoi qytetarët për protestën e sotme kombëtare në orën 17:00 para Kryeministrisë:
“Ftoj qytetarët nga mbarë Shqipëria, ftoj të gjithë qytetarët e Tiranës në kryengritjen paqësore, t’i faktojmë kombit, Europës dhe botës se ne nuk mposhtemi kurrë nga një grusht hajdutësh që nuk kanë interesa të tjera përveç interesave të pasurimit të tyre.”

Ndryshe nga Protesta e fundit Kombëtare më 24 Janar, kur protestës iu drejtuan të gjithë ata të shtypur që nuk njohin më frikën dhe nuk pranojnë urdhërat nga llumi opozitar i llullëve, llapajve e shehajve, sot, arsye për të protestuar kanë edhe të gjithë ata skeptikë që rrufisnin kafenë duke shikuar se çfarë do të ndodhë me paralajmërimin e policëve kriminelë të Edi Ramës për protestë të dhunshme pas bllokimit të rrugëve 24 orëve para protestës, dhe, panë se si u sulmuan protestuesët me gjithë arsenalin policore pasi spikeri nga tribuna e bëri të ditur se protesta para Kryeministrisë përfundoi dhe i ftoi të parakalojnë para Parlamentit!

Ndërkohë Policia e Shtetit e cila në protestën e fundit konfirmoi se njeh vetëm dhunën dhe arrestimin, duke vërtetuar se nuk është Polici në shërbim të Popullit por në shërbim të pushtetit të Edi Ramës, edhe mbrëmë bllokoi rrugët duke filluar nga ora 23:45 për, siç tha, garantimin e mbarëvajtjes së tubimit, duke u munduar të bindë qytetarët se ka ndërmarrë të gjitha masat, në bazë të ligjit “Për tubimet”!

Cilat masa, këtë shqiptarët e kanë e kuptuar jo në protestën e fundit kur u hodhë një mal me gaz lotësjellës dhe u derdh lumi i policëve mbi protestuesit që po largoheshin, por, që nga viti 1945 dhe e kanë parasysh gjithmonë në çdo kundërshtim që i bëjnë këtij pushteti llum të kuq, thënien epike të simbolit të demokracisë, Azem Hajdari:

Komunizmi vret!

Njoftim:

Përfaqësues të subjektit politik Partia Demokratike e Shqipërisë kanë njoftuar Policinë e Tiranës, për zhvillimin e një tubimi, ditën e nesërme, në orën 17:00, para Kryeministrisë.

Me qëllim garantimin e mbarëvajtjes së tubimit, Policia e Tiranës ka ndërmarrë të gjitha masat, në bazë të ligjit “Për tubimet”.

Në zbatim të këtyre masave, ditën e sotme dhe të nesërme, do të kufizohet lëvizja në disa akse/segmente rrugore, konkretisht:

-Nga ora 23:45 e ditës së sotme, do të bllokohet lëvizja dhe nuk do të lejohet parkimi i automjeteve deri në përfundim të tubimit, në bulevardin ”Dëshmorët e Kombit”, nga vendi i quajtur “Ura e Dajtit” deri në rrugën “Ismail Qemali”;

-Nga ora 15:00 deri në përfundim të tubimit, do të ketë bllokim të lëvizjes së automjeteve në bulevardin “Dëshmorët e Kombit”, nga kryqëzimi afër Ministrisë së Brendshme deri te sheshi “Nënë Tereza”, si dhe në rrugët “Ukraina e Lirë”, “Papa Gjon Pali II” dhe “Ismail Qemali”.

Në varësi të zhvillimit të tubimit, mund të ketë kufizime të qarkullimit të automjeteve edhe në akse të tjera rrugore. Në rast bllokimi, për të ndihmuar qytetarët që do të qarkullojnë në këto akse, Policia e Tiranës ka marrë masa për ta devijuar qarkullimin e automjeteve në rrugë alternative.

Policia e Tiranës apelon për qytetarët që të shmangin lëvizjen me automjete në akset rrugore që do të bllokohen dhe të përdorin rrugë alternative, për të mos penguar lëvizjen e lirë të pjesëmarrësve në tubim.

Policia e Tiranës i ben thirrje qytetarëve që të distancohen në rast se gjenden përballë veprimeve të kunderligjshme që cënojnë rendin dhe sigurinë publike.