Edi Rama, kujdes nga inati i deles!
nga Agim Popoci
Në Zonën e Parë Operative, aty ku komunistët vranë të gjithë ata që u shprehën se e donin atdheun e tyre, Shqipërinë, edhe sot, pas 80 viteve krime makabre ndaj kombit të tyre shqiptar, janë sypatrembur dhe tallen keq me të gjithë ata që e duan lirinë dhe protestojnë kundër regjimit komunist të Edi Ramës!
Kështu, filluan dhe me protestën e sapolajmëruar të Partisë Demokratike më 22 Mars, ku lideri i opozitës Sali Berisha ftoi çdo qytetar shqiptar të vërshojë drejt Tiranës për ti dhënë përgjigjen më të merituar, kësaj organizate kriminale të kryesuar nga Edi Rama që nuk ka asnjë interes tjetër përveç pasurimit të paligjshëm me fondet dhe pasuritë publike të shqiptarëve!
Dhe, sot, po në këtë Zonë të Parë Operative ashtu si në gjithë Shqipërinë, ku shqiptarët nuk kanë kurrfarë të drejte, përveç se të tundin kokën kur del Edi Rama duke sharë, qesh ose përmendur nga halucinacionet e drogës me ligjërimet se si shembet rruga ose dhe si ndërtohet një Aeroport ose Port modern, Kryeministri Rama shihet se është kamur nga leksionet që ka marrë si nga kriminelët e orëve të para komuniste, Barba Pilo dhe Hysni Kapo, ashtu dhe atij të orëve para ngordhjes së komunizmit shqiptar, Gramoz Ruçi, por, çuditërisht ky i fundit shihet se nuk i ka dhënë leksionin më të rëndësishëm të cilin, lebërit që dinë të vrasin dhe plaçkitin shqiptarët edhe pa emocion, gjithmonë e kanë parasysh:
Kujdes nga inati i deles!
Ndryshe, sot, Edi Rama nuk do ti trajtonte të gjithë dele, edhe kur shesin votën edhe kur votojnë, edhe kur vjedhin pronën publike edhe kur vuajnë për bukë, edhe kur janë prokurorë edhe kur janë gjyqtarë, dhe, në fund, edhe kur heshtin edhe kur protestojnë!
Edi Rama, sot, vetëm mund ta imagjinoj se si ka vuajtur Gjyshi i Belës nga banda e Barba Pilos dhe Hysni Kapos, por, në gjithë atë lum akuzash nuk e gjen dot qoftë dhe një votë të vjedhur ose të blerë nga krimineli komunist Beqir Balluku! Por, kjo nuk e bënë konfuz Kryeministrin Rama i cili aplikon shumë metoda të Beqirit, ama, vetë ai, që nga viti 2003, kur nuk e mundi dot as shokun e tij të krimit antidemokratik, Avokat Spartak Ngjelën, formulën e vetme të fitores, pa Plan B, e kishte, vjedhje ose blerje vote!
Tek plaçiktja, Edi Rama me qeverinë tij kishin probleme te metodika e zhdukjes së gjurmës për shkak të përmasave të mëdha! Për të menaxhuar njerëzit e tij që vjedhin pa fre dhe sasinë e parave të vjedhura, dhe nga ana tjetër për të menaxhuar edhe 98% të popullsisë që nuk kanë as bukë në sofrën e tyre, e kishin të gatshëm Abetaren e krimit me autor Enver Hoxhën!
I gjithë rrjeti i kriminelëve të Sigurimit të Shtetit që i shërbeu Enver Hoxhës, ishte dhurata më e çmuar që erdhi në duart e Edi Ramës që në zgjedhjet e para parlamentare që ai tentoi ti vjedhë në vitin 2009, por u konstatua një defekt i madh me trashëgimtarët e kriminelëve nga ky rrjet, ku ingranazhi çaloi sepse nuk ishte vajisur si me para ashtu dhe me aromë gjaku!
Zgjedhjet e radhës treguan se gjithçka ishte në vendin e vetë, si dhuna, paratë, ashtu dhe aroma e gjakut që po ndjehej gjithandej, nga Gërdeci, 21 Janari e deri te themelet e partisë, prej nga të gjithë kriminelët komunistë nuhatën pushtetin që po vinte në vitin 2013!
Me ardhjen në pushtet, ku për gjithçka mund të akuzohej Edi Rama, vetëm për mosrespekt të meritokracisë nuk kishte vend! Të gjithë kriminelët që ndihmuan për ardhjen e Edi Ramës në pushtet filluan të vjelin frytet, të gjithë njerëzit e Saliut u larguan nga puna, dhe për të mbuluar gjithë këto krime, të gjithë prokurorët dhe gjyqtarët që nuk i ishin nënshtruar skanerit komunist u degdisën në rrugë, në emër të Reformës në Drejtësi!
Të gjithë ata që ngelën për bukën e gojës, Abetarja e Krimit ishte e qartë, torturë dhe burg për të gjithë ata që protestojnë, dhe, amnisti nga ky keqtrajtim për të gjithë ata që heshtin!
Me kalimin e ditëve, kur Abetarja e Krimit u lexua dhe u aplikua e tëra, pra, i erdhi fundi, Edi Ramës i rezulton se të gjithë ishin të pasur, shumë prej tyre të vrarë me porosi të kriminelit Enver Hoxha, por, edhe ai vetë ngordhë!
Në krah kishte Bashëshorten që sot e ka edhe Edi Rama, dhe, Ramizin, i cili tashmë është e qartë se kush është Ai ramiz i Kryeministrit Rama, por, i mungon vetëm ngordhja!
Në këtë moment të ngordhjes është e vërtetë se nuk kishte 22 Mars, madje as PD e as Sali, por, i shumëpushtetshmi Enver Hoxha, pas 40 vjet talljeje, gjaku dhe plaçkitjeje të shqiptarëve, ngordhi!
Edhe, sot, Edi Rama mund të vazhdoj të tallet me shqiptarët duke i lënë pa bukë e pa ujë, pa shpi e katandi, madje duke mbrojtur edhe terrorizmin serb ndaj shqiptarëve dhe duke dënuar terrorizmin iranian ndaj iranianëve, që mund të organizojnë edhe 1001 Protesta 22 Marsi, dhe, sot, shqiptarët, në sytë e këtij njeriu që ka frikë ta shikon veten edhe në pasqyrë, janë vetëm, Dele!
Por, Edi Rama, që mund edhe të mos i bindet paralajmërimit lab për kujdes nga inati i Deles, duhet ta ketë të qartë se rreziku më madh që po i vjen nuk është 22 Marsi 2026, por, Shqiptari i Lirë!
Pikërisht ai njeriu i lirë siç e ka përkufizuar prozatori rus, i burgosuri politik dhe figura më e shquar e rezistencës totalitare sovjetike dhe Stalinit, Fitues i Çmimit Nobel në Letërsi në vitin 1970, Aleksandr Isaevich Solzhenitsyn, ende pa ardhur 22 Marsi:
“Njeriu është nën pushtetin tënd derisa t’i marrësh gjithçka që ka. Kur t’ia marrësh të gjitha, ai nuk është më nën pushtetin tënd – ai është përsëri i lirë.”
