Zhduket pajisja radioaktive, përdoret për “bomba të pista”

Autoritetet në Malajzi janë në kërkim të një pajisje radioaktive e cila është zhdukur para pak kohësh, raporton BBC.

Materiali radioaktiv brenda një aparati për radiografi mund të jetë i rrezikshëm nëse pajisja zbërthehet në mënyrë joprofesionale. Ekziston frika që materiali mund të përdoret si armë për ndërtimin e të ashtuquajturës “bombë të pistë”.

Autoritetet konfirmojnë zhdukjen e kësaj pajisje gjatë këtij muaji por theksojnë se gjithçka është nën kontroll.

Pajisjet e zhdukura përdoren në industrinë radiografike dhe i takojnë kompanisë e cila ka kryer testimet dhe inspektimet e naftës, gazit dhe kompanive tjera të industrisë së rëndë.

Pajisje e ngjashme është zhdukur vitin e kaluar

Një tub i madh metalik me peshë prej 23 kilogramëve ka një dorezë për bartjen e saj, dhe përdoret për identifikimin e çarjeve në metal. Pajisja përmban iridiumin-192, i cili mund të rrezatoj ambientin ose përdoret si armë në kombinim me eksplozivin.

Inspektori kryesir i policisë, Mohamad Fuzi Harun tha se një incident i ngjashëm ka ndodhur vitin e kaluar  dhe ende nuk dihet asgjë për zhdukjen e asaj pajisje radioaktive.