Thaçi-Vuçiç apo… / Albin Kurti: Çka duhet bërë? Dihet…

Në kulmin e debatit për zgjidhjen përfundimtare të ceshjtes së Kosovë me Serbinë,kur planet e dy presidentëve Hashim Thaçi dhe Aleksandar Vuçiç në mënyrë të sforcuar po shtyhen përpara nga ata që e krijuan situatën e rënduar në Kosovë, reagon kryetari i Lëvizjes Vetëvendosje, Albin Kurti përmes rrjetit social Facebook duke theksuar se Kosovën po duan ta bëjnë kurban për integrimin evropian të Serbisë dhe për çintegrimin e Thaçit nga Gjykata Speciale.

“Vuçiçi do marrëveshje fitimtare për Serbinë, që ta fitojë bindshëm referendumin për ndryshimet kushtetuese atje. E tillë mund të jetë vetëm një marrëveshje fort e keqe për Kosovën,” thekson Albin Kurti duke shtuar se Vuçiçit edhe po i ngutet, sepse:

1) Thaçi do t’i bëhet i papërdorshëm porsa ta akuzojë Gjykata Speciale;

2) Mogherini mbyll zyren para fushatës për zgjedhjet evropiane të Majit 2019;

3) Marrëveshja duhet bërë gjersa Kosova ende nuk ka ushtri dhe Lëvizja jonë ende s’është qeveria e re.

Në fund kryetari i Lëvizjes Vetëvendosje, Albin Kurti jep edhe një zgjidhje që tashmë ka ngelur e vetmja:

“Çka duhet bërë? Paj, dihet: VETËVENDOSJE!”

Ja postimi i plotë: 

Kosovën po duan ta bëjnë kurban për integrimin evropian të Serbisë dhe për çintegrimin e Thaçit nga Gjykata Speciale. Vuçiqi do marrëveshje fitimtare për Serbinë, që ta fitojë bindshëm referendumin për ndryshimet kushtetuese atje. E tillë mund të jetë vetëm një marrëveshje fort e keqe për Kosovën.

Por, Vuçiqit edhe po i ngutet, sepse: 1) Thaçi do t’i bëhet i papërdorshëm porsa ta akuzojë Gjykata Speciale; 2) Mogherini mbyll zyren para fushatës për zgjedhjet evropiane të Majit 2019; 3) Marrëveshja duhet bërë gjersa Kosova ende nuk ka ushtri dhe Lëvizja jonë ende s’është qeveria e re.

Çka duhet bërë? Paj, dihet: VETËVENDOSJE!