Nën syrin e dronit, 137 gjoba për drejtuesit e mjeteve
Njësia Operacionale e Policisë Rrugore në bashkëpunim me ato vendore dhe tashmë dhe me ndihmën e dronit, ka vijuar monitorimin e qarkullimit rrugor në të gjitha akset rrugore të vendit. Për parakalimet e gabuara dhe manovrat e rrezikshme në rrugë të cilat janë burim aksidenti, gjatë javës që lamë pas janë gjobitur 137 drejtues mjeti në gjithë Shqipërinë. Kështu:
Gjatë javës që kaloi janë evidentuar me dron 67 parakalime të gabuara.
30 për shpejtësi tej normave të lejuara ku janë dërguar në OASH për pezullim të Lejes së Drejtimit.
28 për mosvendosje të rripit të sigurimit.
12 për shkelje të ndryshme si mungesë siguracioni, kontrolli teknik etj.
Policia Rrugore thekson se është e angazhuar për të parandaluar, evidentuar dhe ndëshkuar çdo shkelje të qarkullimit me qëllimin e vetëm rritjen e parametrave të sigurisë së jetës në rrugë ndërsa përfundon duke mos harruar mesazhin për të gjithë drejtuesit e mjeteve:
“Zbatimi i rregullave të qarkullimit rrugor, destinacion i sigurt!”
Njoftimi i plotë i policisë:
Njësia Operacionale e Policisë Rrugore në bashkëpunim me rrugorët vendorë vijon monitorimin e qarkullimit rrugor në të gjitha asket rrugore të vendit, për të evidentuar parakalimet e gabuara dhe manovrat e rrezikshme në rrugë të cilat janë burim aksidenti.
Kontrollet janë përqendruar edhe në drejtim të shpejtësisë duke përdorur radarin.
Gjatë javës që kaloi janë evidentuar me dron 67 parakalime të gabuara.
30 për shpejtësi tej normave të lejuara ku janë dërguar në OASH për pezullim të Lejes së Drejtimit.
28 për mosvendosje të rripit të sigurimit.
12 për shkelje të ndryshme si mungesë siguracioni, kontrolli teknik etj.
Policia Rrugore në të gjithë vendin është e angazhuar për të parandaluar, evidentuar dhe ndëshkuar çdo shkelje të qarkullimit me qëllimin e vetëm rritjen e parametrave të sigurisë së jetës në rrugë.
Zbatimi i rregullave të qarkullimit rrugor= destinacion i sigurt.
Javë të mbarë!
