Shtëpia e Bardhë: Kim Jong Un ka kërkuar takim me Presidentin Trump

Kim Jong Un kërkon një takim të dytë me Presidenti Trump. Këtë e ka bërë të ditur Zëdhënësja e Shtëpisë së Bardhë, Sarah Sanders duke shtuar se udhëheqësi i Koresë së Veriut këtë kërkesë ia ka bërë përmes një letre që i kishte dërguar Presidentit të Shteteve të Bashkuara, Donald Trump .

Sanders e përshkroi letrën si “të ngrohtë” dhe “pozitive” dhe se Shtëpia e Bardhë dëshiron që mbledhja të zhvillohej.

Ajo theksoi para gazetarëve se në paradën ushtarake në Phenian të dielën ishte një shenjë e përparimit në bisedimet mbi denuklearizimin pasi aty nuk u shfaq asnjë raketë bërthamore interkontinentale balistike.

Nuk ka asnjë indikacion se kur dhe ku do të ndodhë takimi i dytë midis dy liderëve.