Negociata/ Durrës, Basha: Kurrë me bandën e Ramës, mirëpres PDIU-n…
Nga qyteti brgdetar i Durrësit ku opozita po zhvillon “seancën parlamentare” të rradhës, kryetari i Partisë Demokratike, Lulzim Basha ka shuar kuriozitetin e gjithë atyre që pyesin nëse ai do të ketë sërish negociata me Edi Ramën dhe ndërkohë i është përgjigjur edhe PDIU-së që braktisi Rilindjen.
“Nuk ka dhe nuk do të ketë negociata me Ramën dhe bandën e tij përsa kohë institucionet janë të pushtuar nga krimi,” ishte i prerë kryetari i PD-së ndërsa për vendimin e PDIU-së që të filloj negociatat për bashkim me opozitën ai shtoi:
“Mirëpres kërkesën e PDIU-së për të nisur bisedimet me PD-në, bazuar në parimin për çlirimin e vendit nga krimi,” tha kryetari i Partisë Demokratike, Lulzim Basha.
