Moon dhe Kim bisedojnë për denuklearizimin e Gadishullit Korean

Presidenti i Koresë së Jugut, Moon Jae-in dhe gruaja e tj, Kim Jung-sook, arritën në Phenian për vizitë treditëshe, ku u pritën nga lideri koreanoverior, Kim Jong-un, dhe gruaja e tij, Ri Sol-ju.

Gjatë kësaj vizite pritet që liderët e Koresë së Veriut dhe asaj të Jugut të takohen në Phenian, të bisedojnë rreth denuklearizimit.

Korea e Veriut ka mbajtur një seri takimesh të rralla këtë vit edhe me Jugun, edhe me SHBA-në.

Por, bisedimet me Washingtonin kanë ngecur dhe palët kanë rënë dakord vetëm për qëllime shumë të përgjithshme.

Presidenti i Koresë së Jugut, Moon Jae-in, shpreson të jetë ndërmjetësues midis Veriut dhe SHBA-së, si dhe të thellojë marrëdhëniet ndër-koreane.

Presidenti i Shteteve të Bashkuara, Donald Trump, dhe udhëheqësi koreanoverior, Kim, kanë nënshkruar gjatë takimit të tyre në qershor një marrëveshje për denuklearizimin e Gadishullit Korean, por ajo është kritikuar për mungesë detajesh.

Shumë vëzhgues kanë thënë se Koreja e Veriut nuk po bën mjaftueshëm për të çmontuar lokacionet bërthamore dhe raketore.

Që nga viti 2016, Korea e Veriut ka kryer tre teste bërthamore dhe ka hedhur 40 raketa balistike, duke nxitur zemërim te SHBA-ja dhe fqinjët e saj, Koreja e Jugut dhe Japonia