Ligji për Teatrin, sot Parlamenti i Edi Ramës voton shkeljen ligjore të rradhës

Bazuar në urdhrin nr. 31, datë 18.9.2018 të Kryetarit të Parlamentit, Gramoz Ruçi, sot me fillim në orën 10:00 zhvillohet seanca plenare me 14 pika të rendit të ditës, ku si pikë e pestë e rendit të ditës është parashikuar, Dekreti i Presidentit të Republikës nr. 10849, datë 27.07.2018, “Për kthimin për rishqyrtim në Kuvend të ligjit nr. 37/2018 “Për përcaktimin e procedurës së veçantë për negocimin dhe lidhjen e kontratës me objekt: “Projektimin dhe realizimin e projektit urban dhe godinës së re të Teatrit Kombëtar” .

Pas miratimit të Dekretit në Komisionin e Veprimtarive Prodhuese, që juridikisht Ligjin e bënë nul, maxhoranca në Komision ka bërë shkeljen ligjore të rradhës dhe me amendimet e saj sot pritet ta kaloj Ligjin e amenduar në seancë plenare.

Duke pasur parasysh përvojën ligjore të kësaj maxhorance me ose pa tepsi për pesë vjet, nuk është edhe ndonjë çudi sikur Ligji të kaloj, por ai sot do të shoqërohet me protestat e organizuara nga Aleanca për Teatrin dhe premtimin e opozitës që me ardhjen në pushtet, produkti i këtij ligji do të bëhet nul.

Rendi i ditës

1.Miratimi i procesverbalit të seancës plenare të datës 13.9.2018 (neni 44, Rregullore)

2.Njoftimi i projektligjeve të depozituara në Kuvend (neni 44, pika 3 e Rregullores)

3.Raporti vjetor i Prokurorit të Përgjithshëm mbi gjendjen e kriminalitetit për vitin 2017

4.Raporti vjetor i veprimtarisë së Inspektoriatit të Lartë të Deklarimit dhe Kontrollit të Pasurive dhe Konfliktit të Interesave për vitin 2017

5.Dekreti i Presidentit të Republikës nr. 10849, datë 27.07.2018, “Për kthimin për rishqyrtim në Kuvend të ligjit nr. 37/2018 “Për përcaktimin e procedurës së veçantë për negocimin dhe lidhjen e kontratës me objekt: “Projektimin dhe realizimin e projektit urban dhe godinës së re të Teatrit Kombëtar”

6.Projektligji “Për ratifikimin e marrëveshjes së huasë, ndërmjet Republikës së Shqipërisë dhe Bankës Ndërkombëtare për Rindërtim dhe Zhvillim, për shtesën e dytë të financimit për projektin e sigurisë së digave”

7.Projektligji “Për ratifikimin e marrëveshjes së financimit, ndërmjet Republikës së Shqipërisë (Marrësi), përfaqësuar nga Ministria e Financave dhe Ekonomisë, dhe KfË Frankfurt am Main (KfË), për programin e rehabilitimit të konvikteve të Universitetit të Tiranës sipas parimit të efiҫencës së energjisë, faza II”

8.Projektligji “Për ratifikimin e marrëveshjes së zbatimit, ndërmjet Republikës së Shqipërisë, të përfaqësuar nga Ministria e Financave dhe Ekonomisë, dhe Agjencisë Gjermane për Bashkëpunim Ndërkombëtar (GIZ), për projektin “Këshillimi për migracionin në Shqipëri”

9.Projektligji “Për ratifikimin e marrëveshjes ndryshuese me shkëmbim notash që përditëson marrëveshjen, ndërmjet Republikës së Shqipërisë dhe Zyrës së Policisë Evropiane (Europol), për bashkëpunimin strategjik dhe operacional, ratifikuar me ligjin nr. 28/2014”

10.Projektvendim “|Për shqyrtimin me procedurë të përshpejtuar të projektligjit “|Për eurobondin që do të emetohet nga Ministri i Financave dhe Ekonomisë dhe blerjen mbrapsht (buyback) të një pjese të eurobondit ekzistues, miratimin e përjashtimeve nga tatimet dhe taksat dhe të parashikimeve për heqjen dorë nga imuniteti në marrëveshjet që do të lidhen”

11.Projektvendim “Për zgjedhjen e anëtarëve në Komisionin e Pavarur për Koordinimin, Monitorimin dhe ndjekjen e zbatimit të ligjit nr. 115/2016 “Për organet e qeverisjes së sistemit të drejtësisë”

12.Të mbartura për votim:

-Projektligji “Për disa shtesa dhe ndryshime në ligjin nr. 96/2016 “Për statusin e gjyqtarëve dhe prokurorëve në Republikën e Shqipërisë”

– Projektligji “Për një ndryshim dhe shtesë në ligjin nr. 8378, datë 22.7.1998 “Kodi Rrugor i Republikës së Shqipërisë”, të ndryshuar”

13.Njoftim/miratimi i kalendarit 3 javor të punimeve të Kuvendit për periudhën në vijim

14.Diskutime për çështje jashtë rendit të ditës