Video/ Veliu-Prela: Goditet grupi kriminal “Bajri”, 11 të arrestuar dhe dy në kërkim. Ja emrat…

Drejtori i Policisë së Shtetit, Ardi Veliu dhe drejtuesja e Prokurorisë së Krimeve të Rënda, Donika Prela kanë bërë të ditur detajet e operacionit e arrestimit të Safet Bajrit i njohur si “i forti i Shkodrës”. Në një konferencë të përbashkët për shtyp, Veliu dhe Prela theksuan se përveç të “fortit të Shkodrës” në pranga kanë rënë edhe 11 persona të tjerë si pjesë e Grupit kriminal “Bajri”, me akuzat për vrasje, rrëmbime, trafik dhe drogë.

“Task Forca Speciale e Policisë së Shtetit në bashkëpunim me Prokurorinë për Krimet e Rënda kanë finalizuar operacionin e koduar “Oaz”, në kuadër të Operacionit “Forca e Ligjit”, si pjesë e grupit kriminal “Bajri” me aktivitet të shtuar kriminal në Shkodër.

Ata janë:

1. Behar Brajoviq (Bajri) arrestuar në Roterdam, Holandë;
2. Samet Halluni, i arrestuar në Roterdam, Holandë;
3. Ilir Rustemi, i arrestuar në ndërhyrjen e datës 6 shtator në Shkodër;
4. Emrah Plaku, i arrestuar në ndërhyrjen e datës 6 shtator në Shkodër;
5. Astmer Bilali, i arrestuar në ndërhyrjen e datës 6 shtator në Shkodër;
6. Armir Grimaj, arrestuar në Shkodër;
7. Safet Rustemi (Bajri), i arrestuar në Tiranë;
8. Fabiol Rexhepi, i arrestuar në Shkodër;
9. Ismet Idrizi, i arrestuar në Shkodër;
10. Denis Brajoviq, i arrestuar në Tiranë;
11. Klaudio Hoxhalliu, i arrestuar në Tiranë.

Të gjitha arrestimet janë kryer me vendim të Gjykatës së Krimeve të Rënda. Ndërkohë në kërkim u shpallën 2 anëtarë të këtij grupi kriminal, për të cilët Gjykata ka dhënë masën e sigurisë “Arrest me burg”, për shtetasit:

E.B., 45 vjeç, dhe N.H., 34 vjeç.

Veprimet hetimore, nën drejtimin e Prokurorisë së Krimeve të Rënda, deri në goditjen e plotë të gjithë grupit kriminal “Bajri” kanë zgjatur mbi 6 muaj”.