Lidheni kryeministrin, kërcënon Nënkomisarin: Nuk do t’i ndahemi këmba këmbës atij horri…

Pasi që rasti i përdhunimit të Xhisielës mori dhenë ashtu si edhe implikimi i deputetit të PS, Rrahman Rrahja dhe shefit të Grupit Parlamentar të PS, Taulant Balla, Kryeministri Edi Rama kërcënoi, madje shumë ashpër. Jo përdhunuesin por atë që denoncoi përdhunimin, Nënkomisarin Emiljano Nuhu.

Reagimin e Edi Ramës është aq i ashpër sa i tejkalon kufijtë edhe të vetë Taulant Ballës, si politikani më pa etikë që është në Parlamentin e Shqipërisë.

‘Një horr i kthyer në hero, ka sabotuar hetimin dhe ka përdorur rastin për të marrë azil. Nuk do t’i ndahemi këmba këmbës atij horri’, tha Edi Rama, duke vazhduar të thekson i bindur se Emiljano Nuhu e ka sajuar këtë denoncim vetëm për të përfituar azil politik.

Në mungesë të shtetit ligjor dhe ndarjes së pushteteve, ku nuk ka se kush ta lidhë kryeministrin e papërgjegjshëm, edhe kur ky bëhet i rrezikshëm dhe palë me krimin madje fyen oficerët e policisë, për të dytën herë me radhë, radha e skeptikëve në vend vetëm sa shkon e shtohet.

Kështu reagoi edhe në rastin e Dritan Zaganit tre vjet më parë, por rezultoi se vetëm Zagani nuk ishte horr. Të gjitha akuzat e Zaganit për drogën dhe Saimir Tahirin ishin të vërteta ndërkohë në pushtet ngelën të gjithë ata që e akuzuan, duke filluar nga kryeministri, dhe për fat të keq, kërcenimet ndaj Dritan Zaganit janë në fuqi!