Përdhunimi i Xhisielës/ Numri dy i policisë kot që është femër, akuzon denoncuesin!

Fat për një femër të dhunuar është kur numri dy i policisë është poashtu femër, por jo edhe në rastin e Rilindjes së Edi Ramës. Ai femrat i ka vetëm për ti përdorur dhe jo për të qeverisur.

Kjo u kofnirmua sot me Zv/ministren e Brendshme, Romina Kuko ku doli para mediave dhe foli lidhur me ngjarjen e Fushë-Krujës ku djali i deputetit Rrahman Rraja ka përdhunuar një vajzë.

Siikur Edi Rama, Taulant Balla dhe gjithë kupola kriminale e mazhorancës, edhe zv.ministrja e Brendshme sulmoi Nënkomisarin Emiljano Nuhu, për të cilin tha se ka shkelur ligjin dhe ka braktisur detyrën për interesa personale.

Ja cfarë thotë numri dy i ministrisë më kriminale të qeverisë më kriminale në Evropë:

“Jemi sot këtu për të ritheksuar dhe garantuar edhe njëherë në emër të Ministrisë së Brendshme dhe Qeverisë shqiptare se parimi themelor i punës sonë është se askush nuk është mbi ligjin.

Pas një hetimi të hollësishëm të rastit të Xhesila Malokut, rezulton qartazi se Policia e Shtetit ka vepruar në mënyrë strikte konform ligjeve të shtetit dhe procedurave standarde,
gjë e cila është verifikuar edhe nga Shërbimi i Çështjeve të Brendshme dhe Ankesave si dhe Drejtoria e Standardeve të Policisë së Shtetit.

Thënë këtë, në asnjë rast Policia e Shtetit nuk ka lejuar interferime të çfarëdollojshme nga kushdo që kërkon të ndërhyjë në punën e saj.

Ne i qëndrojmë fort linjës institucionale e ligjore për të patur një Polici të pandikuar ne veprimtarinë e saj nga askush pavarësisht ngjyrimit partiak, funksionit apo pozitës shoqërore.

Në jo pak raste ne kemi dëshmuar për qëndrime të ashpra të Ministrisë së Brendshme ndaj çdo lloj devijimi në respektimin e këtij parimi.

Pezullimi i menjëhershëm nga detyra dhe referimi në prokurori i oficerit i cili nuk zbatoi siç duhet ligjin;
– pikërisht vlerësimi i rrethanave dhe mos tërheqja e policisë
– referimi i rastit në prokurori edhe pas tërheqjes së vetë kallëzueses
– bashkëpunimi me prokurorinë për t’i shkuar kësaj çështjeje deri ne fund
– si dhe hetimi, i cili po vazhdon nga Shërbimi i Çështjeve të Brendshme dhe Ankesave, siç u prezantua dje me detaje, janë prova më e qartë e punës korrekte dhe institucionale e policisë.

Hedhim poshtë me keqardhjen më të thellë të gjitha akuzat, shpifjet dhe insinuatat në kurriz të Policisë së Shtetit.

Shprehim keqardhje që po abuzohet me të vërtetën dhe me vetë vajzën e cila sot ka nevojë për solidaritetin e të gjithëve.

Keqardhje dhe përdorimi si flamur beteje i letrës së një ish oficeri policie i cili ka shkelur ligjin, ka braktisur detyrën dhe që i përdor këto për interesa të ngushta personale.

Ne nxisim fort SHÇBA dhe Prokurorinë të vazhdojnë me vendosmëri punën e tyre për t’i shkuar deri ne fund hetimit te ngjarjes konkrete për të ndëshkuar ashpër çdo shkelje të mundshme ne strukturat e Policisë se Shtetit, ashtu si edhe ndëshkimin e çdo abuzimi me detyrën dhe ndëshkimin çdo lloj shpifje që synon te ndikoje apo të godasë autoritetin dhe imazhin e Policisë së Shtetit.

Ne inkurajojmë procesin e nisur nga Avokati i Popullit për të verifikuar ligjshmërinë e veprimeve të Policisë.

Sigurojmë qytetarët tanë se në këtë rast, DHE NË ÇDO RAST, jemi në krahun e tyre
duke patur TË GJITHË VËMENDJEN PER JU.
Jemi këtu në shërbimin tuaj për t’ju garantuar siguri në zbatim të ligjit!”