Jo vetëm përdhunues, Rexhep Rraja: Lulzim Basha do ta shohë në zgjedhjet e ardhshme…

Nuk është vetëm përdhunues, skenarist i dy emisioneve më të rëndësishme në vend dhe rilindas i devotshëm. Rexhep Rraja kërcënon edhe me pranga në duar! Jo më Nënkomisarin që e denoncoi, Emiljano Nuhun por tashmë kreun e opozitës, Lulzim Basha.

Rreth orës 11:00, djali i deputetit socialist të Fushë Krujës, Rexhep Rraja  doli nga gjykata e Krujës me pranga në duar dhe i shoqëruar nga forcat e policisë iu afrua furgonit për tu transportuar drejt paraburgimit të Durrësit. Teksa po futej brenda në furgon përdhunuesi Rexhep Rraja kishte një mesazh kërcënues për kryetarin e Partisë Demokratike, Lulzim Basha:

“Basha do ta shohë në zgjedhjet e ardhshme se kush është Rexhep Rraja!”

Ndoshta edhe nuk mund ti vëmë faj përdhunesit Rexhep Rraja pas mbështetjes që mori nga babai deputet, Rrahman Rraja, shefi i tij Taulant Balla dhe shefi i shefit të tij, Edi Rama. Sot Rexhep Rraja nuk është thejshtë një përdhunues i një jetimeje, por pjesëtarë i një bande kriminale që nuk pyet, as për polici, as për ushtri dhe tashmë hapur as për Kod Zgjedhor për të cilin u angazhuan aq shumë OSBE, BE, SHBA. Rexhep Rraja i bëri nul…

Ndryshe, gjyqtarja e Gjykatës së Krujës, Enkelejda Hoxha dha masën e sigurisë “arrest me burg” për djalin e deputetit i cili akuzohet për ‘përndjekje”. Kjo masë u kërkua dhe nga prokurorja Mirela Kapo.