Komisioni miraton  projektligjet për transformimin e FSK në Ushtri

Komisioni për Punë të Brendshme, Siguri dhe Mbikëqyrjen e Forcës së Sigurisë së Kosovës ka miratuar  sot në parim tri projektligjet për ushtrinë.

Pas diskutimeve anëtarët e Komisionit Parlamentar kanë votuar pro aprovimit të ligjeve për  transformimin e FSK-së në Ushtri, ndërsa Lista Serbe ishte kundër.

Fatmir Xhelili nga Partia Demokratike e Kosovës tha se ushtria e Kosovës do të bëhet sipas standardeve të NATO dhe për këtë beson se gjitha subjektet politike do ta japin votën pro krijimit të ushtrisë.

Ismet Beqiri nga Lidhja Demokratike e Kosovës tha se miratimi i këtyre tri projektligjeve është i një rëndësise të vecantë për Kosovën. “Vota ime për këto tri projektligje është e padiskutueshme dhe në do të votojmë për aprovimin e tyre. Shpresoj se janë bërë konsultimet e nevojshme me partnerët ndërkombëtar sikurse me SHBA-të dhe NATO-n. Këto projektligje si të tilla të shkojnë në Kuvendin e Kosovës dhe vota e LDK do të jetë pro”, tha ai.

Ndërkaq,  Rexhep Selimi nga Lëvizja Vetëvendosje i ka dhënë mbështetje miratimit të projektligjeve për krijimin e ushtrisë. Ai tha se pritet e tij kanë qenë më të madhe, duke premtuar angazhim maksimal  gjatë dy leximeve në Kuvendin e Kosovës.

Edhe Daut Haradinaj i AAK-së tha se të gjithë qytetarët e Kosovës kanë pse të gëzohen sot.

Komisioni i miratoi në parim i projektligjit Nr.06/L-122 për Ministrinë e Mbrojtjes; atë Nr.06/L-123 për Forcën e Sigurisë së Kosovës, si dhe Projektligjin Nr.06/L-124 për Shërbimin në Forcën e Sigurisë së Kosovës