Video/ Romë, arrestohet çifti shqiptar duke u kthyer nga muaji i mjaltit me 5 kg kokainë

Policia italiane ka publikuar videon e arrestimit të çiftit shqiptar në aeroportin Fiumicino të Romës.

Sot, policia financiare dhe ajo kufitare në aeroportit të Fiumicinos kanë arrestuar një çift shqiptar që po kthehej nga Brazili drejt Tiranës me 5 kg kokainë.

Çifti shqiptar, sipas policisë italiane, po kthehej nga muaji i mjaltit në Brazil dhe ishte sjellja e çuditshme e “nuses” me rastin e kontrollit rutinë të dokumenteve që ka bërë policinë të dyshoj. Kjo bëri që të kontrollohen valixhet dhe e gjitha të finalizohet me gjetjen e 5 kilogramëve kokainë.

Çifti shqiptar është vënë nën pranga me akuzën e trafikut ndërkombëtar të drogës

Autoritetet italiane theksojnë se sasia e drogës mundëson përgatitjen e 100.000 dozave kokainë që me vlerën e tregut kapin shumën mbi 2 milionë euro.