Bilancet zyrtare/ Biznesi i Fusha shpk, Ina Zhupa: Tenderat dhe punët e Veliajt në Bashkinë e Tiranës!
Burimi kryesor i të ardhurave të Fusha shpk janë tenderat dhe punët në Bashkinë e Tiranës, që në shumicën e rasteve janë të paracaktuara. Kështu konstaton Zëdhënësja e Partisë Demokratike, Ina Zhupa duke u bazuar në bilancet zyrtare që vetë Fusha shpk ka dorëzuar në Tatime ndërsa këtë fenomen e vlerëson si maratonë të parave publike që Veliaj ndan me klientin e tij të preferuar Fusha shpk ndërkohë sjellë edhe dokumenta që konfirmojnë këtë veprimtari.
Dhe jo vetëm kaq!
“Veliaj bashkë me Ramën përgatisin që ti japin ndërtimin e 6 kullave në pronën publike të Teatrit Kombëtar që shkon te 200 milion euro fitime,” thekson Ina Rama përmes rrjetit social Facebook.
“Mesa duket drejtësia për Ardit Gjoklajt nuk u gjet kurrë nga dreka e duhur Veliaj- Petrit Fusha, kryeprokurori i Tiranës,” thekson Zëdhënësja e Partisë Demokratike, Ina Zhupa duke përfunduar:
“Por, u gjet shumë mirë gjuha e përbashkët për tu pasuruar të dyja palët!”
Ja postimi i plotë:
Maratona e parave publike që Veliaj ndan me klientin e tij të preferuar Fusha shpk.
Sipas bilanceve zyrtare që vetë Fusha shpk ka dorëzuar në Tatime, duket qartë se si janë shumëfishuar të ardhurat nga viti në vit të kësaj kompanie. Burimi kryesor i të ardhurave janë tenderat dhe punët që i jep Bashkia Tiranë, në shumicën e kohës të paracaktuara për Fusha shpk. Veliaj bashkë me Ramën përgatisin që ti japin ndërtimin e 6 kullave në pronën publike të Teatrit Kombëtar që shkon te 200 milion euro fitime.
Mesa duket drejtësia për Ardit Gjoklajt nuk u gjet kurrë nga dreka e duhur Veliaj- Petrit Fusha, kryeprokurori i Tiranës, por u gjet shumë mirë gjuha e përbashkët për tu pasuruar të dyja palët.
