“Konspiracion për rrëzimin e qeverisë”, Rama: Shqiptarët do ta mësojnë shumë shpejt…
Konspiracion për rrëzimin e qeverisë. Kështu e ka vlerësuar kryeministri Ed Rama, publikimin e audiopërgjimit përmes të cilit pretendohej implikimi i vëllait të ministrit të Brendshëm, Fatmir Xhafaj, në trafik ndërkombëtar të drogës ndërsa premtoi se do ta zbardhë të vërtetën e këtij audio-përgjimi.
“Pres që e vërteta të dalë e plotë. Nuk kam për të ta lënë pa e nxjerrë edhe sikur për një mijë e një arsye të mosarsyes të mbulohet apo të zbutet. Natyrisht që unë nuk jap vendime as bëj pretenca. Për fat të mirë jemi në një sistem ku detyrat janë të ndara, pushtete janë të ndara, por të jeni të bindur që shqiptarët do ta mësojnë nga A të ZH, jo me institucione, me emra me emra dhe me mbiemra kush është përfshirë në këtë konspiracion për rrëzimin e qeverisë, se i tillë është,” tha i bindur kryeministri ndërkohë i pyetur nëse do ketë akuzë penale ndaj ndonjë deputeti lidhur me “çështjen Babale”, si zakonisht, kur nuk ka përgjigje ai sulmoi mediat:
“Ua kam lënë juve të bëni gazetari dhe mos tundni dybekun në kazan. Po të bëni gazetari i jepni përgjigje shumë thjesht shpejt këtyre pyetjeve dhe ja kishit dhënë përgjigjen shumë më parë se sa prokuroria të arrinte në gjysmë konkluzionet që ka arritur deri tani. Unë s’dëshiroj të them më tepër, i di të gjitha nga fillimi deri në fund, sepse kam angazhuar një grup të posaçëm që është marrë nga fillimi deri në fund për të mësuar unë të vërtetën. Dhe pres që e vërteta të dalë e plotë.”
Ndryshe, ekpsertiza e djeshme për të cilën u tha se u analizua në një laborator britanik, nuk sqaroi asgjë, madje shtoi edhe ca pikëpyetje të cilat nuk i kishte menduar njeri, aq më shumë joprofesionalizmin e prokurorisë. Edi Rama sot i beson ekspertizës në fjalë dhe bashkëbisedimit “Babale-Kunati” edhe pse askush nuk e ka idenë, madje as vetë kryeministri, se cila do të ishte përmbajtja e përgjigjes së kësaj ekspertize sikur të ishte analizuar origjinali. Dhe, askush nuk e ka idenë, madje as vetë Edi Rama pse nuk i është ekspertiza origjinalit apo ky regjim i cili e ka mbushur edhe prokurorinë me morra të kuq, vazhdon të paragjykoj imperializmin…
