Bandat kontrollojnë pushtetin, Basha: Ja kush janë zyrtarët e lartë që bashkëpunojnë me krimin…
Sot shqiptarët sundohen nga bandat që kontrollojnë pushtetin. Kështu u shprehë kryetari i Partisë Demokratike, Lulzim Basha duke saktësuar kush janë këto banda dhe zyrtarët e lartë që bashkëpunojnë me krimin i cili kontrollon fizikisht lagjet periferinë, qendrën, territorin dhe ekonominë.
“Është një çështje kapitale emergjence gjendja e rendit dhe shpartallimi i plotë i institucioneve publike. Dje patëm edhe ngjarjen e fundit kriminale në Cërrik. Kemi përplasje me armë në mes të qyteteve tona. Ka nxjerrë në pah një të vërtetë që e kemi konstatuar në vazhdimësi faktin që krimi është më i fortë se kurrë kontroll territorin dhe ekonomisë. Organet e zbatimit të ligjit janë të shpartalluara dhe drejtuesit janë vënë në shërbim të krimit. Sot shqiptarët sundohen nga bandat që kontrollojnë fizikisht lagjet periferinë, qendrën, territorin, ekonomisë, pikat e bixhozit, ndërtimin ekonomisë restorante turizmin, kontrollojnë pushtetin, të gjithë pushtetin, pushtetin politik, ekzekutivin, parlamentin dhe drejtësinë”, tha Lulzim Basha duke specifikuar nëpër qarqe se cilat janë këto grupe të rrezikshme kriminale dhe si veprojnë ato:
Elbasani: Grupe të rrezikshme kriminale kanë shtënë në dorë gjithçka. Në Elbasan është gjendja e qartë. Elbasani menaxhohet nga banda në bashkëpunim me kryebashkiakun Qazim Sejdinin, dhe në
mbështetje ta Taulant Ballës. Janë tre badna që kontrollojnë gjithçka”, tha kryeopozitari.
Shkodra: “Në Shkodër situata është e njëjtë, janë Bajrat që kontrollojnë gjithçka, në bashkëpunim me ministrin e Brendshëm, që është njeriu që mban komunikim më Bajrat,” tha Basha ndërsa akuzoi ministrin e Jashtëm, Ditmir Bushat dhe deputetin e PS, Bashkim Fino për bashkëpunim me këtë bandë.
Vlora: “Sot 100% të detit në Vlorë, por edhe të tokës e kontrollojnë njerëzit e Agron Xhafajt, vëllezërit Murataj, që disponojnë gjysmën e industrisë së bixhotit në vend, bizneset e pastrimit të parave që kontrollojë edhe bizneset e furnizimit të policisë me pajisje policore, mbajnë listën e pagesave të politikaneve dhe prokurorët, mbajnë prokurorë në listën e pagesave, që po shkatërrojnë tani hetimet”.
Fushë Kruja dhe Kruja: “Ngjarja tronditëse e zbuluar nga Nuhu është maja e ajsbergut, pjesa më tronditëse është shpërfytyrimi i viktimës, që pështyn mbrojtësit dhe përqafon përdhunuesin, gjithë ato janë zona të pakontrollueshme nga polika”.
Sherri me armë në Tiranë: “Ngjarja në Tiranë që na u shit si përplasje për një këngëtare është zbuluar se është përplasje për pazare droge. Në të janë përfshirë trafikantë të njohur dhe dokumentuar me lidhje nga pushteti. E mbani mend, kur Tahiri u nis për Gjermani pasi iu kthye pasaporta? Ishte në Gjermani me këtë Matën e përfshirë në sherrin me armë në lokal mes bandave rivale. Ka ndodhur në një lokal të preferuar të
Ahmetaj dhe të ministrave dhe deputetëve të tjerë, në zemër të Tiranës,” thai kryetari i PD, Lulzim Basha duke folur për ngjarjen e rëndë që ndodhi në Bllok ndërsa sqaroi se nuk kemi të bëjmë me një sherr për Elvana Gjatën, por një lufte mes bandave të kokainës.
