Vrasja në Bllok/ Trafikantë kokaine të lidhur me pushtetin, Basha: Ervin Mata ishte me Saimir Tahiri në Gjermani dhe…
Kryetari i Partisë Demokratike, Lulzim Basha, duke folur sot për ngjarjet e rënda kriminale që gjatë këtyre ditëve kanë tronditur vendin, sqaroi edhe ngjarjen e rëndë që ndodhi në Bllok e cila nuk ishte punë xhelozie por përplasje mes dy grupeve kriminale që trafikojnë kokainë.
“Ngjarja në Bllok u paraqit katër ditë me radhë si një zënkë banale për një këngëtare, e vërteta u shpalos vetëm gjatë ditës së djeshme e vërteta që s’kemi të bëjmë me një përplasje banale, por klaneve të fuqishme të krimit të organizuar të trafikut të drogës. Bëhet fjalë për pazare kokainë që kanë qenë në thelb të përplasjes”, tha Lulzim Basha duke saktësuar se në këtë përplasje janë përfshirë trafikantë të njohur që kanë lidhje me pushtetin. E për njërin prej tyre, Ervina Matën, dha një fakt tronditës:
“Ngjarja në Tiranë që na u shit si përplasje për një këngëtare është zbuluar se është përplasje për pazare droge. Në të janë përfshirë trafikantë të njohur dhe dokumentuar me lidhje nga pushteti. E mbani mend, kur Tahiri u nis për Gjermani pasi iu kthye pasaporta? Ishte në Gjermani me këtë Matën e përfshirë në sherrin me armë në lokal mes bandave rivale,” tha Basha duke Kryetari i Partisë Demokratike, Lulzim Basha, duke sqaruar se vendi ku ndodhi ngjarja është një lokal i preferuar i Arben Ahmetajt dhe ministrave dhe deputetëve të tjerë socialistë, në zemër të Tiranës.
