Dokumenti/ Gjykata e Kosovës nuk i bindet Edi Ramës, liron Babalen…
Me vendin të Gjykatës Themelore në Prishtinë, shtetasi nga Shqipëria, Albert Veliu i njohur si Babalja është liruar nga paraburgimi. Ai ishte arrestuar dje nga Policia e Kosovës në qendrën e Azilit në Magure të Lipjanit.
Lirimin e tij e ka bërë të ditur avokati i tij Tomë Gashi nëpërmjet rrjetit social Facebook:
Babalja ndodhej në një qendër azilantësh në Kosovë së bashku me të birin, ku kishte udhëtuar disa muaj më parë për t’u larguar nga vendi, fill pas publikimit të një përgjimi me vëllain e ministrit të Brendshëm, Fatmir Xhafaj, për të cilën prokuroria ngre dyshime se është e rreme ku një person i njohur nga “Babalja” ka kryer imitimin e zërit.
Babalja në Kosovë ishte në pritje të përgjigjes për azil, pas kërkesës së bërë me herët.
Ditë më parë, Prokuroria e Krimeve të rënda njoftoi për hetimet që kishte kryer në lidhje me çështjen e audio-përgjimit, ku rezultonte se “Babalja” e kishte sajuar atë në këmbim të 200 mijë eurove të ofruara nga deputeti demokrat, Ervin Salianji.
Ky i fundit, publikoi nga ana e tij video-përgjimin ku personi i cili nga Prokuroria e Krimeve të Rënda pretendohet se është personi i cili ka imituar zërin e Agron Geron Xhafaj, ka rrëfyer se si kishte presion nga Drejtori i Përgjithshëm i Policisë, Ardi Veliu dhe Kryetari i Grupit Parlamentar të PS, Taulant Balla për ta pranuar këtë “imitim”, dhe si shpërblim gjithashtu do të merrte 200 mijë euro.
Ja dhe vendimi i Gjykatës Themelore në Prishtinë:
