AKR shkarkon ministrin e Brendshëm, Bejtush Gashi

Partia e Behgjet Pacollit, AKR e ka konfirmuar shkarkimin e ministrit të Brendshëm, Bejtush Gashi.

Sekretari organizativ i AKR-së, Rrahim Pacolli duke konfirmuar shkakrimin e ministrit Gashi ka theksuar për televizionin publik, RTK. se kjo ka ndodhur për shkak ministri nuk ka treguar përformancë të mirë.

“AKR e ka si praktikë që të bëjë vlerësimin e punës së gjithësecilit ministër. Është bërë vlerësimi i punës së Bejtush Gashit dhe si pasojë ka ardhur deri të shkarkimi i tij”, tha ai duke shtuar se kërkesa për shkarkim është bërë para disa ditësh, ndërkaq sot ai është larguar.

Ndryshe, kohë më parë, partia që drejtohet nga Behgjet Pacolli ka shkarkuar edhe paraardhësin e Gashit, Flamur Sefaj.