Saimir kamionisti dhe Taulant peshkatari, Edi Paloka: Pupilët e Ramës…

Justifikimet e panumërta të kryetarit të Grupit Parlmanetar të PS, Taulant Balla mbi mosprezencën e tij në komisariatin e Fushë Krujës, mohimin e Taulantit të Librazhdit dhe së fundi miqësinë e tij me trafikantin e dënuar  ndërkombëtar të drogës, Edmond Bego, për Nënkryetarin e Partisë Demokratike, Edi Paloka janë ngjashmëri të pupilëve të Ramës edhe në justifikimet mbrojtëse.

“Kur dolën përgjimet e para të Habilajve ku përmendej “Sajmiri” , Tahiri nxitoi të thonte se bëhej fjalë për një Sajmir “kamionist” e jo për të. Vetëm se çuditërisht këtij “kamionistit” i duheshin miliona euro për fushatë elektorale, thekson Edi Paloka përmes rrjetit social Facebook duke shtuar se edhe Taulant Balla bënë të njejtën gjë:

“Tao dje deklaroi se “Taulanti nga Librazhdi” që përmend Alizoti,dëshmitari i rremë , në video përgjimin e fshehtë, nuk ishte ai… Po ky që sajoi dy alibi të rreme për të vërtetuar se nuk kishte qenë në komisariatin e Fushë Krujës po kishte qenë në të njejtën kohë në “takime publike” dhe “për peshk.” Dhe jo vetëm kaq!

“I njejti që deklaroi se Begon e njeh nga 2015 por ka udhëtuar me të “rastësisht” që nga 2013 me dhjetra herë.”

Ja postimi i plotë:

Vini re sa ngjasojnë edhe në justifikimet mbrojtëse pupilët e Ramës.

Kur dolën përgjimet e para të Habilajve ku përmendej “Sajmiri” , Tahiri nxitoi të thonte se bëhej fjalë për një Sajmir “kamionist” e jo për të. Vetëm se çuditërisht këtij “kamionistit” i duheshin miliona euro për fushatë elektorale.
Edhe Tao dje deklaroi se “Taulanti nga Librazhdi” që përmend Alizoti,dëshmitari i rremë , në video përgjimin e fshehtë, nuk ishte ai…
Po ky që sajoi dy alibi të rreme për të vërtetuar se nuk kishte qenë në komisariatin e F. Krujës po kishte qenë në të njejtën kohë në “takime publike” dhe “për peshk”.
I njejti që deklaroi se Begon e njeh nga 2015 por ka udhëtuar me të “rastësisht” që nga 2013 me dhjetra herë.