Dënohet me 25 vjet burg për vrasjen e gruas dhe vajzës

Gjykata Themelore në Gjakovë ka shpallur fajtor Pjetër Ndrecaj për vrasjen e dyfishtë, duke e dënuar me 23 vite për vrasje dhe 2 vite për armëmbajtje pa leje.

Gjykatësi Gëzim Pozhegu, ka deklaruar se të akuzuarit do të t’i llogaritet edhe koha e kaluar në paraburgim.

Ditë më parë Pjetër Nrecaj e ka pranuar para gjykatës fajësinë për vrasjen e bashkëshortes dhe vajzës në gusht të këtij viti në fshatin Brekoc të Gjakovës.

Megjithatë, në seancën gjyqësore ndaj tij në Gjykatën Themelore të Gjakovës nuk ishte prezentuar marrëveshja mbi pranimin e fajësisë.

Pjetër Nrecaj akuzohet për veprën penale “vrasje e rëndë”, pasi që ka privuar nga jeta bashkëshorten dhe vajzën e tij 9 vjeçare.

Valbona Nrecaj dhe vajza e saj u qëllua për vdekje mbrëmjen e 7 gushtit në shtëpinë e vëllezërve të saj. Ajo disa orë para vrasjes e kishte pranuar një sms kërcënues nga Nrecaj, për të cilin kishte njoftuar policinë