Ceremonia mortore e Kaçifas/ Grekët drejt Bularatit, policia në gatishmëri…

Pasi u bë publike se nesër pritet të zhvillohet ceremonia mortore e Konstandinos Kaçifas, mediat greke raportojnë se 9 autobusët e parë nga Greqia do të nisen sonte drejtë Bularatit.

Sipas medias greke, Ant 1 raportohet se nga qendra e Athinës, Stathmos Larisis ku janë zyrat turistike Greqi – Shqipëri nisen sot në orën 21:30 dhe 23:00 me orën lokale, 9 autobusë gjithsej, disa prej të cilëve do bëjnë ndalesa të ndryshme nëpër rrethe të Greqisë.

Ndërkohë, bëhet e ditur se disa autobusë por dhe mjaft automjete kanë arritur gjatë ditës së sotme në Nga ana e saj, Policia e Shtetit ka krijuar një plan masash për shmangien e incidenteve gjatë ditës së nesërme kur do të zhvillohet ceremonia mortore e Kostandinos Kacifas. Për këtë pala shqiptare ka intensifikuar komunikimin me policinë greke, për të mos lejuar hyrjen e njerëzve me precedentë penalë apo ekstremistëve, të cilit mund të shkaktojnë trazira në Dropull.

Mësohet se në terren në Kakavijë e Dropull, do të ketë edhe agjentë të Shërbimit Informativ Shtetëror. Pala shqiptare i druhet incidenteve dhe provokimeve.

Ekstremisti grek, 35-vjeçari Kostandinos Kacifas, u vra më 28 tetor në Bularat pas një shkëmbimi zjarri me forcat speciale RENEA. Ai nuk iu bind urdhrit të policisë për tu dorëzuar, por vazhdoi të qëllonte ndaj tyre