Unaza e Re/ Kuri ikin protestuesit flet Erion Trimi: Boll qyl 28 vjet, shpellarë…

Pasi protestuesit e Unazë së Re i dhanë mesazhin kryetarit Erion Veliaj, i cili nuk dënjoi ti takojë se sërish do të protestojnë nesër para bashkisë së Tiranë, dhe u larguan, foli kryebashiaku Trim duke i bërë të qartë atyre që do tu shemben 317 shtëpi se boll hëngrën qyl 28 vjet dhe në rrugëtimin e tij drejtë kryeministrisë, ashtu sic veproi mësuesi i tij Edi Rama, të gjithë ata që i dhanë votën i quajti shpellarë që dhunojnë, prishin, bllokojnë…

Dhe nuk harroi të akuzoj opozitën edhe pse këta njerëz i gënjeu shefi i tij, Edi Rama:

“Sot dëgjova njerëz që unë e di shumë mirë ku e ka shtëpinë, ai Gjyzi nuk e ka fare shtëpinë aty, bën cirk se një kryetar partie po i afrohet disfatave, Luli është një kalama i llastuar pse me atë do merremi ne,”­
tha manipuluesi i devotshëm Erion Veliaj, sikur aty ishte vetëm një protestues e jo qindëra, ndërsa shtoi si kryeqytetas që ishte dhe nuk as edhe një fiq ta pashitur pa fatur fiskale :

“Dikush që nuk ka rrënjë në këtë qytet, kujt i sulet? Për 28 vite nuk kanë paguar asnjë taksë ata që janë pa letra. Shanset janë zero që kjo betejë të ndalet. 99% e njerëzve duan që qyteti të zhvillohet, të rregullohet trafiku,” tha njeriu i cili përveç arrogancës që kryetarin e bashkisë së Tiranës e karakterizon që nga dita e parë kur shkeli në Bashkinë e Tiranës, vazhdon edhe me premtimet boshe:

­

“Kush është me letra pronë do i marri kokërr më kokërr, kush ka bërë lavazh i ra qylit 28 vjet tani do bëhet rruga. Kush ka bërë karabina 8 kate dhe të ketë letra, do ia japim. Ça është pa letra prapë, do u japim bonusin e qirasë. Kemi ofruar tre vite qiranë, për ata që nuk kanë asnjë letër që kanë zaptuar tokën e dikujt tjetër në gjurmën e unazës. Pse çdo njeri që erdhi në tiranë kapi një tokë? Jo mo, si gjithë të tjerët”­ tha Veliaj, duke vazhduar ,e akuza, ndaj kujt tjetër vetëm se Lulzim Bashës:

“Si mund të jenë kaq hajvanë që mendojnë se fitojnë vota duke bllokuar. Njerëzit nuk janë më budallenj, nuk hanë më bar. Eksperienca na tregon që aty ku u bë rruga te Komuna e Parisit aty super fitoi PS, nuk ka sens, ”­ tha Erion Veliaj dhe në rolin e moralistit, që shpesh e bënë në teatrin e politikës, i dha të drejtë vetes ti bëjë thirrje demokratëve që të distancohen, siç tha ai, nga kjo dalldi e të mos përdoren mish për top.

Nuk dënjoi ti takoi banorët e Unazës së Re por gjithmonë është i gatshëm të flas në emër të qytetarit, ashtu sikur se mësuesi i tij, sot kryeministër.

“Fatmirësisht shumica e qytetarëve do që unaza të bëhet. Mjafton të pyesni qytetarët që janë sot te Bulevardi i Ri dhe të shikoni
çfarë mrekullie ka dalë bulevardi i ri për qytetin dhe si po zhvillohet
Tirana aty. Ishte po e njëjta parti me këtë stilin shpellar, dhuno, prish, blloko, jo po s’duam, jo po mos e prek. Ja ku është sot bulevardi,” vazhdoi Erion Veliaj me propagandën duke mos harruar fjalorin denigrues në rrugëtimin e tij drejtë kryeministrisë:

“A nuk ishte e njëjta skemë, një film që ne e kemi parë? Ne e kemi parë këtë film. Unë e kuptoj, ndodhi ky film për herë të parë sot dhe s’po e dimë, por ne e kemi parë këtë film dhe ky film përfundon me fitoren e qytetit. Ky film përfundon me fitoren e njerëzve të mirë, të drejtë që s’kanë zaptuar, që paguajnë taksat, që duan rendin, që respektojnë uniformën, që dinë të thonë faleminderit, që nuk shqyejnë se nuk vijnë nga shpellat po respektojnë qytetin, kodi ynë i përbashkët, stofi që na lidh me njëri-tjetrin”, u shpreh Veliaj