PBK e Alimadhit jashtë ceremonisë zyrtare të varrimit të Mit’hat Frashërit!

Përfaqësuesit e Partisë Balli Kombëtar dhe qindra qyetarë nuk janë lejuar të marrin pjesë në ceremoninë e varrimit të eshtrave të Mid’hat Frashërit në atdhe, me arsyetimin zyrtar se pjesmarrja është me ftesa.

Ndërkohë Partia Ballit Kombëtar Demokrat dhe drejtuesit e saj kanë marrë pjesë në ceremoninë zyrtare të ftuar nga  oraganizatorët. Makina e kryetarit të kësaj partie, Artuar Roshi, ishte e para në kortezhin që shoqëronte akivolin me eshtrat e themeluesit dhe drejtuesit të Ballit Kombetrar, për në banesën e fundit.

Ata u shprehën se do të qëndrojnë derisa të largohen përfaqësuesit e lartë të qeverisë dhe më pas do shkojnë ti hedhin një grusht dhe në varr.

Publicisti, shkrimtari, përkthyesi, albanologu, diplomati dhe kryetari i Ballit Kombëtar, Mit’hat Bej Frashërit, i njohur edhe me emrin e letrave Lumo Skëndo, lindi në Janinë më 25 mars 1880 dhe vdiq në New York më 3 tetor 1949.