Pse RENEA nuk e vrau Nikolla Gruevskin?!

Ish-kryeministri i Maqedonisë, që shtet amë e ka Bullgarinë, nuk zgjodhi itinerar të ikjes së tij nga shteti ligjor, përmes tokës bullgare për tu strehuar në Hungari , por vendosi të kaloj nga Shqipëria. Aty ku RENEA ditë më parë vrau një ekstremist grek, i cili i armatosur po shëtiste ndër bashkëqytetarët e tij grek, ndërkohë Nikolla Gruevski ishte i vetëdijshëm se çfarë mund ti ndodhë nëse lëviz nëpër tokë shqiptarë, kur si ekstremist maqedonë ishte dhe urdhëruesi i shumë vrasjeve të shqiptarëve dhe aksioneve policore nëpër zonat e banuara me shqiptarë, për dhjetë vjet në Maqedoni!

Kush e ndihmoi Nikolla Gruevskin?!

Kësaj pyetje duhet ti përgjigjet Edi Rama dhe Gjenerali që i doli për zot ta drejtoi policinë, e një kriminel maqedonë në ditët e tij të para i futet nga mali dhe del nga pika e kalimit kufitar Hani Hotit! Ose të paktën kështu thotë komunikata e policisë së Gjeneral Lleshit.

Edi Rama mund të mos e lodhë kokën se kush ishte Nikolla Gruevski, por dje Këshilltari i tij për Siguri Kombëtare, sot i pari i policisë shqiptare, Sandër Lleshi e din që Nikolla Gruevski në fund të muajit gusht të vitit 2006 e mori pushtetin në Maqedoni, dhe në nëntorin e vitit 2007, ndërmori një aksion të tmerrshëm në fshatin e banuar me shqiptar, Brodec, pas një inskenimi të një vrasje të një polici maqedon, skenar ky që do të përsëritet për 10 vjet të qeverisjes së tij.

Dhe, Brodeci sot, përveç Edi Ramës duhet ti kujtohet të gjithë shqiptarëve kudo që janë sepse për këtë aksion reaguan të gjithë mekanizmat ndërkombëtar, pasi që Nikoll Gruevski, vetëm për të vrarë një njeri, Harun Aliun, terrorizoi një zonë të tërë shqiptare, dhe nuk e vrau dot ndërkohë la mbrapa një tokë të djegur që vetëm forcat e Putinit din të bëjnë në Çeçeni.

Ky ishte dhe një ogur i zi për qeverisjen e Nikolla Gruevskit pak ditë pasi kaloi 100-ditshin e përgatitjeve për të vrarë shqiptarë, dhe këtë shqiptarët e Maqedonisë e kuptuan, ende pa e vrarë forcat policore të Gruevskit, Harun Aliun i njohur si Komandant Kushtrimi. Kur ky u vra në pritë së bashkë me tre bashkëluftëtarët e tij të UÇK-së në Radushë, në majin e vitit 2010, gjithçka ishte e qartë, Nikolla Gruevski kishte filluar me zbatimin e tij të planit antishqiptar.

Sajoi shumë aksione policore antishqiptare nën ombrellën e arrestimit të ish-luftëtarëve në Siri për ta finalizuar krimin e tij qeveritar me rastet më të tmerrshme në historinë e drejtësisë së Maqedonisë, “Sopoti” dhe “Monstra”.

Shumë aksione policore kundër shqiptarëve ngelen të pazbardhura, por në këto dy çështje u konfirmua se Nikolla Gruevski ka vrarë edhe maqedonë, për të vrarë shumë shqiptarë.

Ndërkohë flet edhe një e dhënë e tmerrshme e qeverisjes terroriste të Nikolla Gruevskit: Për10 vjet nuk ndërmorri asnjë aksion policor në zonat e banuara me maqedonë, dhe, trajektoren boshe policore Sofje-Shkup-Ohër-Tushimisht e nuhatën edhe trafikantët e drogës, që kallauz të vetmin kishin, ekuipazhin e makinës pa shqiptarë!

Ndërkohë kur nuk kishte krime në Maqedoni ai i sajonte ato gjithmonë me kufirin me Kosovën, zonë kjo kufitare e banuar vetëm me shqiptarë, ose rrepësisht në komunat e banuara me shqiptarë.

Sot, kur dihet se ai kaloi kufirin ilegalisht, kur këtë e konfirmon edhe policia shtrohet pyetja: Ku është RENEA që vranë ekstremistë, për të vrarë këtë ekstremistë i cili nuk cenoi njeri por vrau shqiptarë, ose në rastin më të mirë për këtë vrasës, ta prangos; Aq më shumë kur në dorë ka edhe fletëarrestin ndërkombar të lëshuar nga shteti të cilin e qeverisi dhe e dëmtoi më shumë se asnjërin prej të cilëve i kishte projektuar, si individ ose shtet shqiptar.

Apo ka arsye pë r të mbrojtur kriminelin Nikolla Gruevski, dhe jehona e patriotizmit të Edi Ramës në Bularat vazhdon…