“Plak autik”/ Reagimi, Shehaj: Nëse vendin e Hysenit do e zinte një person me aftësi të kufizuara, politika do dilte e fituar

Deputeti i Paritsë Demokratike, Agron Shehaj ka reaguar ashpër pas deklaratës së deputetit socialist, Alket Hyseni ku gjendjen e të prekurve nga autizmi e përdor si formë fyese duke theksuar ai duhet sot të kërkojë ndjesë, dhe, nëse i ka mbetur ndopak ndërgjegje, të japë dorëheqje.

“U ndjeva i neveritur. Jam i sigurtë që Hyseni nuk e di çfarë është autizmi, nuk e ka takuar kurrë një fëmijë në spektrin e autizmit apo me sindromën Down dhe s’ka njohur kurrë dy prindër që luftojnë në mënyrë të vazhdueshme, për të ndryshuar mendësi si kjo e tij, ” tha deputeti demokrat në reagimin përmes rrjetit social duke shtuar se kjo ështëdhe arsyeja që ai duhet sot, së paku, të kërkojë ndjesë.

Dhe, nëse i ka mbetur ndopak ndërgjegje, Alket Hyseni të japë urgjent dorëheqjen, thekson deputeti i Paritsë Demokratike, Agron Shehaj, duke perfunduar:

“Nëse vendin e Hysenit do e zinte një person me aftësi të kufizuara, politika do dilte e fituar.”

Ndryshe, deputeti i PS, Alket Hyseni duke ju përgjigjur një postimi të Ish-Presidentit Sali Berisha ndër të tjera shkruan:

“…O plak autik, që humbe shansin të ishe figurë historike dhe u katandise në mejhane shpifjesh dhe thashethemesh. U ktheve në gastor oborri si Rigoleto kurrizua (jo vetëm nga pamja fizike), ndërkohë historia të dha mundësinë(edhe pse e vodhe) të ishe Dukë.”

Ja postimi i plotë:

“E dini cili është çmimi më i bukur që kam marrë gjatë gjithë karrierës sime në biznes e politikë? Vlerësimi nga komuniteti i personave me sindromën Down, dhënë nga Organizata Ndërkombëtare e Sindromës Down për kontributin tim për fëmijët me sindromën Down të Fondacionit @Down Syndrome Albania.

Si kontribues i hershëm i këtij fondacioni, si deputet, si qytetar, por edhe si baba, ndiej detyrën të reagoj ndaj gjuhës fyese e denigruese të deputetit Alket Hyseni.

Hyseni përdor gjendjen e të prekurve nga autizmi si formë fyese.

U ndjeva i neveritur. Jam i sigurtë që Hyseni nuk e di çfarë është autizmi, nuk e ka takuar kurrë një fëmijë në spektrin e autizmit apo me sindromën Down dhe s’ka njohur kurrë dy prindër që luftojnë në mënyrë të vazhdueshme, për të ndryshuar mendësi si kjo e tij.

Pikërisht për këtë, ai duhet sot, së paku, të kërkojë ndjesë. Dhe, nëse i ka mbetur ndopak ndërgjegje, të japë urgjent dorëheqjen.

Nëse vendin e Hysenit do e zinte një person me aftësi të kufizuara, politika do dilte e fituar.”