Unaza e Re/ Protestuesit: Dëmshpërblim 100%; Rama: Nuk do të ketë, të hapin rrugën e mos të…

Nuk do të ketë dëmshpërblim 100% për banorët e Unazës së Re që preken nga projekti i Unazës së Madhe, të cilët nuk i kanë banesat e legalizuara dhe kanë ndërtuar në pronë të përbashkët. Kështu u shprehë sot kryeministri Edi Rama gjatë një takim me Koordinatorët dhe disa qytetarë që hallin e tyre e ishin zgjidhur përmes portalit “shqipëriaqëduam”.

Banorë që sot protestojnë tek Unaza e Re, kanë ndërtuar pa leje dhe kanë zaptuar tokë të përbashkët, tha Edi Rama duke i bërë thirrje që të hapin rrugën dhe të mos protestojnë, ndërkokë tregoj se halli i tij nuk janë banorët por situata që ata po bëhën “mish për top” për opozitën.

“Të thonë që kemi fut letrat për legalizim nuk do të thotë që ata janë në rregull dhe do t’i marrin. Ata që kanë ndërtuar pa leje, kërkojnë dëmshpërblim 100% për çfarë? Mbi cilin ligj? Me ç’të drejtën morale? Nga ku? Nga buxheti i shtetit? Që është kontributi i të gjithëve për shkolla, kopshte etj.?

Me këto para ne të dëmshpërblejmë zaptuesit që kanë ndërtuar shtëpi në zonë?

Ata njerëz të largohen nga rruga që kanë bllokuar dhe t’i hapin rrugë zhvillimit dhe të mos turpërojnë veten dhe familjen, dhe të mos bëhen gazi i botës dhe mish për top i opozitës,” tha sot kryeministri Edi Rama duke i dhënë një mesazh të qartë banorëve që protestojnë edhe pse dje u premtoj përmes rrjetit social Twitter se “një shtjellim të plotë do ta bëjë para Kuvendit”