KKT miraton lejen për segmentin nga mbikalimi i pallatit me shigjeta tek rrethrrotullimi Shqiponja

Projekti për rehabilitimin e segmentit rrugor nga mbikalimi tek Pallati me shigjeta tek rrethrrotullimi Shqiponja është kthyer në mollë sherri prej ditësh mes institucioneve publike dhe mbi 300 familjeve të cilat preken nga nderhyrja. Pjesë e këtij konflikti ishte edhe debati nëse ka apo nuk ka leje ky projekt.

Përtej ngërçit të krijuar, Këshilli Kombëtar i Territorit ka miratuar dje lejen zhvillimore për Bashkinë Tiranë për këtë projekt ndërkohë që subjekti zhvillues është Autoriteti Rrugor Shqiptar.

Lista e vendimeve të miratuara nga KKT këtë herë ka qenë më modeste me vetëm katër në total ku dy të tjerët kanë të bëjnë me ndërtimin e mbikalimeve për këmbësorët në aksion Kukës-Morinë dhe Thumanë-Milot.

Lista e plotë e vendimeve të miratuara në 20 nëntor

1.Leje Zhvillimi për objektin: “Rehabilitimi i segmentit rrugor “Mbikalimi I pallatit me shigjeta rrethrrotullimi Shqiponja”, Bashkia Tiranë”, me subjekt zhvillues Autoritetin Rrugor Shqiptar.

2.Leje Ndërtimi Infrastrukture për objektin: “Mbikalim këmbësorësh në aksin Kukës-Morinë”, me subjekt zhvillues Autoritetin Rrugor Shqiptar.

3.Leje Ndërtimi Infrastrukture për objektin: “Mbikalim këmbësorësh në aksin Thumanë -Milot”, me subjekt zhvillues Autoritetin Rrugor Shqiptar.

4.Njoftim anëtarëve të Këshillit Kombëtar të Territorit mbi kërkesat për kontroll përputhshmërie të shqyrtuara nga Agjencia e Zhvillimit të Territorit, për periudhën 06.11.2018 deri më tani, sipas Vendimit Nr. 1, datë 30.07.2015 “Për përcaktimin e rregullave dhe procedurave që do të ndiqen nga Autoritetet e Zhvillimit të Territorit për shqyrtimin e kërkesave për Leje Ndërtimi deri në miratimin e Planeve të Përgjithshme Vedore”, i ndryshuar./Monitor/