Demaskon “armikun” / “Enver Hoxha” premtoi shtjellim në Kuvend, vjellë akuza dhe kërcënon protestuesit…

Kryeministri më i mirë në histori premtoi për seancën e sotme plenare një shtjellim të plotë për banorët e Unazës së Re që preken nga projekti i Unazës së Madhe, por ai nuk iu drejtua as si kryeministër, as si artist, as si basketbollist, as si djali i njeriut që miratoi varjen e një poeti, por si Enver Hoxha në Byronë e tij kriminale.

Shtjellimi i “Enver Hoxhës” i cili para ca ditësh ngriti paralelizëm me Parkun Rinia, ishte se këta banorë të Unazës së Re të cilët kanë ndërtuar pa leje, po kërkojnë që 30 milion dollarë që do të përdoren për të rritur rrogat e mjekëve, mësuesve, ushtarakëve etj, që të përdoren për t’i dëmshpërblyer ata 100%. Çmenduri për protestuesit por inetersante për ekonomistët, që në pak minuta mund të llogaritin se cili ishte përfitimi i shtetit për 25 vjet nga taksat, që mjeli këto biznese dhe banorët që na paska qenë “pa kokërr letre”. apo tejkalon 30 milionshin që e tund sot e për sa ditë me radhë. Dhe jo vetëm kaq!

“Enver Hoxha” filloi shpalosjen e demaskimit që kishte përgatiur, me emra dhe libër shpie të banorëve që protestojnë tek Unaza e Re, duke i treguar popullit liridashës se ata kanë dhe disa objekte pa leje në proces legalizimi. E për demaskim, si “Enver Hoxhë” që është, ishte kujdesur që “armiku” të mos kaloj fisin e “shpellarëve”:

“Po ku t’i gjejmë ne paratë për të dëmshpërblyer Gjovalinin nga Laçi që ka zaptuar dhe ka ndërtuar në tokë të përbashkët? Ramazanin i cili ka deklaruar dhe 4 ndërtesa të tjera pa leje në Tiranë kërkon që të dëmshpërblehet…Jo vetëm që ka zënë shtratin e Unazës, por mbron sloganin “shtëpia mbrohet me jetë”… ahh more Ramazan…”

Kur “Nexhmija” i shkeli synin zbriti pak nga Veriu për variacian:

“Agroni nga Elbasani që e filloi me një eksperiment, shtesë anësore ne Elbasan, dhe pastaj zbriti në Tiranë, dhe ka ndërtuar dy banesa pa leje dhe më pas edhe një te Unaza, dhe sot është bashkuar dorë për dore me Ramazinin dhe thotë se do japin jetën për shtëpinë”, tha kryeministri i cili është i bindur se është më i mirë në histori, edhe pse realisht për asnjë ditë nuk ishte as kryeministër…

“Kush ka titull pronësie do dëmshpërblehet sipas ligjit dhe pikë dhe do largohet, kush ka vetëm një strehim 3 vjet bonuse qiraje, kush ka ngrehina të kategorisë të Bashkimit, Kujtimit, Agronit, Ramazanit të largohet sa më shpjet që aty mos të na dali përpara”, tha Rama.

Ndryshe, për ata që mbanin shpresa tek kryeministri më i mirë në histori kur tha para ca ditësh  se “qysh nga prishja e parë masive në Parkun Rinia, u desh të kalonin mbi 15 vjet prishje për interes publik, që të protestohet me kërkesën për dëmshpërblim për ndërtimet pa leje në shtratin e rrugës! E dini pse? Kjo s’thuhet me një tweet, meriton një shtjellim të plotë para Kuvendit!” sot perdet u djegën, por drama “Rilindja” vazhdon…

Pjesë nga fjala e “Kryeministrit më të mirë në histori” :

Nga shtrati i Unazës së re shoku Bashkim do lekët, 100% në dorë, se jo hyrjen e Tiranës nuk e hap, por për atë zot dorën te pushka e ka gati dhe kush ti dali përpara. Apo ska në krahë dhe Salanjin, Salianji e ka jetë të dytë këtë.

Ku e keni TVSH zero? Një zotim i ribërë në fushatën e 2017, por zotimet nuk janë si zotimet e kujtimet e bashkimit, qe e ndan mendjen dhe po i hipën Dajtit

Zotimet janë e thashë dhe do bëj çmos ta bëj, sot jemi këtu për lumturinë e Erijon Braces, për TVSH zero për produktet bujqësore dhe për herë të parë pas 28 vjetësh qeveria përcakton skemë financimi për të gjithë fermerët.

Të gjithë këta i bashkë tufa e Kadrive të PD-LSI -së bashke më Kadritë e paekzpozuar nga Ylli Kadriu, Andi Kadriu, te Qim Kadriu

Dalin te qendra ata, c’ju duhet atyre se janë te hyrja e kryeqytetit, me flamurin amerikan, se kanë zbuluar Amerikën të shtrati i unazës së re, dhe do e mbrojnë Amerikën nga indianët që jemi ne, 1 milion indianë. Shkoj unë në Surrel sa të dush, katunar tinore jam, po jam indian.

Në të njëjtën gjurmë të Unazës se është metropoli, nuk është Tirana e dhive dhe e kioskave që ndërtoi Saliu dhe tha kjo është Zvicra e Ballkanit,

Më tutje ëhstë ndjekur i njëjti proces si është ndjekur nga bashkia, kur e drejtonte Lul Kadriu dhe projekti është konform standardeve të miratuar në 2015.

Me këta të kategorisë së zaptuesve as nuk bëhet fjalë asnjëlloj tolerance, zero dhe ata bëjmë mirë të iki vetë që aty mos të dalin më, Bashkim, Ramazan, Agron, Edmond largohuni, gëzoni ato të tjerat që keni ndërtuar, mos rrini aty

Për këta 40 që janë legalizuar në shtator, do të bëjmë shpronësime, por do të çojmë në prokurori dosjen, kush ua ka bërë, pastaj le të dalë Kadri Saliu dhe të thashë si ishte puna, se ashtu ishte një muhabet, bashkë me artistin

Së dyti për ata që janë vetëm me shtëpi, por të paligjshëm, nuk mund të bëjmë dëmshpërblime, por do të japim bonuesin e qirasë, se mos vjen Ramazani e kërkon bonus qiraje, se mos vjen. Ndërsa ata që janë realisht aty për shtëpi do ta marrin këtë bonues. Kush do e paguajnë, taksat e shqiptarëve.

Kemi gjeneralë të NATO-s e nuk kanë shtëpi, mjekë, infermierë, e me radhë, pse duhet të paguajnë ata ndërkohë që ju keni zënë rrugën atje

Mos bëni krahasime, kush ka bërë shtëpi për të futur kokën është i mirëseardhur, por jo aty ku zë rrugën.

Vetëm vepra e artit që do të ndërtohet pranë Kasharit është monument kulture, makina ka rrugën e vet, njeriu të vetën, dhia, lopa, delja, klienti nuk kanë punë.

Sot ti nisesh dhe ke interferenca, si në një rrugë me restorante, pishina, magazina dhe urdhëro aksidente, kurse rrugët që do bëjnë me garantohet shpejtësia, siguria dhe gjithë ndërlidhja pa bllokime, ngecje. Këta i kanë bërë si pantallona teritale, të marrësh vitet e mia, kërcinjtë e Braçes dhe pastaj na vishi, a i vesh dot.

Kush ka titull pronësie do dëmshpërblehet sipas ligjit dhe pikë dhe do largohet, kush ka vetëm një strehim 3 vjet bonuse qiraje, kush ka ngrehina të kategorisë të Bashkimit, Kujtimit, Agronit, Ramazanit të largohet sa më shpjet që aty mos të na dali përpara