Fier, Luan Baçi rizgjedhet kryetar i PD

Kryetar i Partisë Demokratike Dega Fier është rizgjedhur Luan Baçi.

Pas zgjedhjeve ku morën pjesë 485 delegatë, me 466 votave të anëtarëve të PD, fitues ka rezultuar Luan Baçi, kundrejt 14 votave për Aurora Koroveshin ndërkohë 5 vota rezultuan të pavlefshme.

“Ditën e sotme, pranë ish godinës së UFO-s u zhvillua Kuvendi i PD Dega Fier. Mes një entuziazmi dhe gjithpërfshirje rreth 500 delegatë votuan për Kryetarin e degës. Me mbylljen e procesit zgjedhor rezultoi: 466 vota për z. Luan Baçi, 14 vota për zj. Aurora Koroveshi dhe  5 vota të pavlefshme,” thekson në njoftimin e saj, Partia Demokratike Dega Fier.

Ndryshe, në qershorin e vitit 2014, Luan Baçi u zgjodh për herë të parë kryetar i Partisë Demokratike në qytetin e Fierit. Në procesin e votimit ku ishin të pranishëm 411 delegatë, 209 vota shkuan për kreun e ri të Degës së Fierit, Luan Baçi përballë Ish-deputetit të PD-së, Vasillaq Ngresi.

Aktualisht, Luan Baçi është edhe deputet i Parlamentit të Shqipërisë.