Kuvendi i Mitrovicës miraton Rezolutën “për bashkimin e qytetit”

Kuvendi Komunal i Mitrovicës me vota unanime ka votuar për Rezolutën përmes së cilës kërkon nga Qeveria e Kosovës që t’i ndryshojnë disa nene të ligjit me të cilin bashkohet qyteti i Mitrovicës.

Votimi u bë në një seancë të jashtëzakonshme për inicimin e ndryshimit të Ligjit për kufijtë administrativë të komunave me qëllim të bashkimit të Mitrovicës.

Seanca e jashtëzakonshme

Agim Bahtiri sot ka thirrur një mbledhje urgjente për t’i propozuar qeverisë së Kosovës që të nisë inicimin e procedurës për të ndryshuar ligjet që kanë mbajtur të ndarë qytetin e Mitrovicës.

“Kërkesa e qytetarëve si në veri ashtu dhe në jug ka qenë e kamotshme sepse janë ndarë pa dëshirë por duke pas parasysh Planin e Ahtisaarit. Prej ardhjes në krye të komunës në vitin 2013 jam munduar të punoj bashkë më kryetarin e veriut për t’i ndihmuar atij që të qeveris. Kam pas çdo herë kërkesë para ndërkombëtarëve dhe qeverisë që shqiptarët e veriut të trajtojnë si qytetarë që e njohin dhe punojnë në të mirë të vendit e sidomos veriut. Mirëpo, Rakiç ka qenë ai i cili nuk ia përfillur kërkesat e mia dhë të qytetarë shqiptarë,” tha Bahtiri duke theksuar se janë 15 mijë banorë janë të shpërngulur nga veriu që i kanë lënë pronat e tyrë të djegura dhe sot janë refugjatë në qytetin e tyre.

Duke tgreuar se në vitin 2004 është djegur fshati Frashër por tashmë është ndërtuar nga komuna  i bëri thirrje të gjithë serbëve dhe të tjerëve që kanë jetuar në jug të kthehen pasi do të jenë të barabartë.

“PDK gjithmonë ka qenë për bashkimin e Mitrovicës por fillimisht duhet ta ngremë një pyetje: Kush realisht është pas kësaj ideje, kryetari i Mitrovicës apo Vetëvendosje,” tha Donjet Bislimi i PDK-së duke shtuar se jemi sot këtu për të diskutuar rreth një çështje delikate por ka frikë se prapa kësaj  qëndron Vetëvendosje

“Dhe kjo ide është e rrezikshme, në këtë kohë të hapet kjo temë. Vetëvendosje rrezikon ta çojë Kosovën drejt ndarjes. Keni rënë në grackën e Lëvizjes Vetëvendosje. Të gjithë e dijmë se kufiri mes me pakon e Ahtisaarit.”

Ndërsa përfaqësuesi  i LDK-së tha se e mbështesin këtë unifikim të qytetit në një komunë.

“Kjo iniciativë është konform ligjit. Konsideroj se vullneti i partive është që të bëhet unifikimi. Qeveria dhe Kuvendi duhet të shpallin zgjedhjet dhe gjithsesi në këtë pjesë na mbetet që të marrin hapa është iniciativë e mirë po frikësohem se do te mbetet e tillë,” tha ai.

Pas debatit të zhvilluar, Kuvendi Komunal ka miratuar në mënyrë unanime propozimin e kryetarit Agim Bahtiri, raporton KTV, a u shprehë.

“Sot me propozimin tim, dhe unë mendoj se kjo është e drejtë e qytetarëve, iniciativa për ndryshimin e ligjit për kufijtë administrativë duhet të dërgohet në qeveri. Pastaj dhe ajo do ta përgatisë ta çojë në Kuvend. Kërkoj nga Kuvendi ta realizojë këtë kërkesë tonën pasi që kemi bërë të pamundurën që të bashkëpunojnë me veriun por ajo nuk ka ndodhur”, tha Agimi Bahtiri duke përfunduar se Republika do të shtrihet në gjithë territorin e saj