Unaza e Madhe/ Vijon prishja e shtëpive në Shkozë, reagojnë banorët…

Aksioni i Inspektoriatit Kombëtar të Mbrojtjes së Territorit, IKMT për prishjen e shtëpive në Shkozë ka vijuar edhe gjatë natës, ku është prishur edhe një shtëpi e pabanuar.

Reagimi i qytetarëve ishte i menjëhershëm ashtu si edhe mëngjesin e një dite më parë ku me forcat e policisë u përballën familje të tëra shqiptare duke përfshirë këtu edhe fëmijët për të mbrojtur shtëpitë e tyre.

Ndërkohë bëhet e ditur se dje është shoqëruar një prej familjeve që ndodhet në zonë.

Projekti i Unazës së Madhe prek dhjetëra familje në Shkozë që do të përfundojnë pa kulm mbi kokë.

Dje, ata ashtu sikur se banorët tek Unaza e Re shprehen se nuk janë kundër projektit por kërkojnë një zgjidhje të pranueshme.