Vuçiç i kërkon SHBA që me ndikimin politik tek Prishtina…

Presidenti i Serbisë, Aleksandar Vuçiç ka kërkuar sot nga Ambasadori amerikan në Beograd, Kyle Scott, që Shtetet e Bashkuara të shfrytëzojnë ndikimin e tyre politik dhe të paralajmërojnë Prishtinën se me veprimet e saj po kërcënon paqen dhe stabilitetin në rajon, raporton RFE.

“Këmbëngulja e Prishtinës në tatimin e mallrave nga Serbia Qendrore dhe për më tepër në formimin e Ushtrisë së Kosovës nxit shqetësim serioz në Serbi për të ardhmen e popullit serb në Kosovë,” tha Vuçiç.

Ndërkohë ambasadori Scott, sipas  Presidencvs serbe ka theksuar se me vendosjen e taksës, Prishtina ka shkelur marrëveshjen e CEFTA-s dhe ka kërcënuar të ardhmen e rajonit.

Scott po ashtu ka kujtuar që Sekretari amerikan i Shtetit, Mike Pompeo u ka bërë thirrje autoriteteve kosovare që ta heqin taksën mbi mallrat e importuara nga Serbia dhe Bosnje Hervcegovina.

“Ambasadori Scott ka përsëritur se SHBA-ja i mbështet përpjekjet e Beogradit për normalizimin e marrëdhënieve me Prishtinën dhe se është e gatshme për të ndihmuar në arritjen e një zgjidhjeje të qëndrueshme, e cila do të sigurojë stabilitet”, thekson Presidenca serbe përmes komunikatës.

Ndryshe, javë më parë, Qeveria e Kosovës ka rritur nga 10 në 100 për qind taksën në importet e Serbisë dhe Bosnje Hercegovinës