Endri Fuga, nga miti në mΩt!
nga Agim Popoci
Endri Fuga, ky mit i krijuar nga vetë Edi Rama, ndër freshistë filloi të gdhendet edhe si një lloj ëndrre. Të jesh këshilltar i kryeministrit, pse jo edhe të vendosësh ti se çfarë do të bëjë kryeministri!
A e besoi njeri?! Ose si e besuan edhe ata që e njohën mirë kryeministrin?! Ja që Edi Rama pak gjëra di të bëjë ama për këto pisllëqe është mjeshtër. Kur e kishte me bezdi ndonjë intervistë, fajtor ishte Fuga, që sipas kryeministrit e këshilllonte të mos e bënte. Ata që kryeministrin e kishin mik, filluan të mendonin se mirë e ka Fuga! Ndërsa pronarët e mediave nxitonin te Fuga, i përkuleshin dhe fillonin ti rrëfenin ato përrallat mbi audiencën dhe nevojën që kishin për ta pasur në TV kryeministrin Edi Rama.
E ky kryeneçi i Kristaqit, që bënte sikur e dëgjonte Endri Fugën, krijoi një fatamorganë ndër gazetarë sa që filloi të përflitet mbi forcën që ka ky njeri. Kjo ndikoi patjetër tek pronarët injorantë të televizioneve që filluan ta sajdisin me sanduiçe dhe supëra për mëngjes, peshk e karkalec për darkë, duke rritur piacën edhe në “një kafe” për shërbimet që kryente. E kryeministri jonë e lartësonte dita ditës këtë figurë gjithnjë e më shumë.
Kur kryetari i PS mbylli Zërin e Popullit, të gjithë rilindasit në zë thonin se ka Endri Fugën pse i duhet gazeta, ka prej atyre që e lartësuan edhe në Gebëls, por ç’e do, ato që rritë Edi Rama shpejtë rrënohen.
Sidoqoftë, deri mbrëmjen e së martës, mirë ose keq, miti Endri Fuga ekzistonte dhe askushnuk fliste për gjërat që i dinte Erion Veliaj për Fugën; Askush nuk thoshte se Gebëlsi për propagandë vetëm e paketonte mirë të vërtetën por nuk gënjente si Fuga; Askush nuk thoshte se Fuga nuk është korrier i mirë sepse urdhrat e tij i arsyeton me urdhrat e shefit; Askush nuk thoshte se Endri Fuga nuk është sekser i mirë sepse me gjithkë fletë në emër të shefit; Askush nuk thoshte se Fuga e njehë forcën e mediave dhe sikur Rama ta dëgjonte ai nuk e lejonte që ato ti quante kazan; Askush nuk thoshte se Endri Fuga nuk mund tëjetë aq idiot sa ta lejonte kryeministrin të dal me çitjane si i çmendur në Ditëne Flamurit; Dhe, askush nuk e thoshte, mirë Rama ishte dënuar të ishte pedagog por Fuga ka qenë protestues dhe studentë, dhe e din mirë si mund të përfundoj protesta kur ajo nuk përfillet!
Por, pas mbrëmjes së të martës, kur Endri Fuga përgjegjës për mediat dhe propagandën e kryeministrit, të ftuar merr 100 freshistë dhe nuk mund ti gjejë 100 studentë që e adhurojnë kryeministrin i cili ka marrë 1 milion vota, ky nuk mund të ishte, dhe, aq më pak është, mit.
Kur një njeri me përvojë në media dhe propagandë, kuron një emision në ekstrem, dhe ka në dispozicion nga pronarja e TV deri tek pastruesja e prozhektorëve, dhe ky emision dështon ende pa përfunduar, miti i Edi Ramës është ashtu si vetë kryeministri, nul!
Duke qenë në krye të një impianti të propagandës së kryeministrit që vetëm për propagandë shquhet, dhe të del një e ftuar në emision, që vetë me dorën tënde e ke përzgjedhur, për të thënë se u degjeneruam në rrjete sociale sepse na kanë zbuluar se po bëjmë emision me freshistë, çfarë miti është Endri Fuga!
Kur një njeri që ka organizuar mijëra protesta kundër Fatos Nanos për llogari të Edi Ramës, nuk arrin të gjejë edhe dy studentë të zellshëm rilindas për tëhallakatur protestën e studentëve, dhe e pranon se një gjë të të tillë e ka bërë Mona, jo Fuga por vetë Edi Rama që krijoi këtë mit, është pak nëse bënë harakiri.
Dhenë fund, nga miti deri tek mΩti, sot për çfarë mund të kujtohet Endri Fuga: Për Gebëls, nuk është. Një tufë studentësh i rrënuan teorinë e dijetarit mediatik, i cili edhe pse me një censurë të paparë u rrënua nga rrjetet sociale të cilat askush nuk i përdor më shumë se vetë ai. Madje së fundi edhe Zv/ministri i Arsimit, Muka, tha se në mbledhjen e Qeverisë numërohen like ose share dhe nuk flitet për punën; Si pushtues i mediave shqiptare, nuk është! Pronarët e mediave, që mund të jenë njerëzit më injorant në Ballkan që kanë media, këtë mitin e Edi Ramës e tallën aq shumë sa kryeministri me gjithë këtë pushtet, armiqtë më të frikshëm i ka ata që drejtuan mediat dhe me “urdhër” të Endri Fugës ngelën pa punë. Madje hapën portale vrastare për Edi Ramën, për ti shërbyer Likes dhe Monës. Do të quhen kazan apo diamant, pak rëndësi ka, ata lexohen dhe jo Edi Rama me 1 milion vota, që është dhe nxënës i Nolit!
Endri Fuga në rrugëtimin e tij nga miti në mΩt do të kujtohet si njeriu i cili kishte miq të gjithëpronarët e mediave, dhe kishte një ushtri gazetarësh që e urrenin kryeministrintë cilit ai i shërbente. Ishte kjo strategji e Edi Ramës ose jo, pak rëndësi ka. Bota nuk njeh CV ku thuhet se kam dështuar sepse shefi im…
